1 kubaseKorinthe 8:6 - Siswati 1996 Bible

⁶ noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.

1 kubaseKorinthe 8:6 Iomraidhean Croise

Isaya 46:9

Khumbulani tintfo takadzeni, leto takadzenidzeni. Ngobe nginguNkulunkulu, futsi kute lomunye; nginguNkulunkulu, futsi kute lonjengami.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jona 1:9

Wabaphendvula watsi: “NgingumHebheru; ngikhonta Simakadze, Nkulunkulu welizulu, lowadala umhlaba nelwandle.”

Malakhi 2:10

AsinaBabe munye sonkhe yini? Asidalwanga nguNkulunkulu munye yini? Pho, sisihlambalatelani lesivumelwane sabokhokho betfu ngekungetsembeki kwetfu lomunye kulomunye?

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Johane 1:10

Livi abesendalweni. Indalo yavela ngaye, kepha umhlaba awuzange umati.

Johane 1:3

Konkhe kwadalwa ngaye, ngaphandle kwakhe kute lokwadalwa kuko konkhe lokudaliwe.

Johane 10:30

Mine naBabe simunye.”

Johane 13:13

Ningibita ngeMfundzisi neNkhosi, nenta kahle, ngobe vele nginguko.

Johane 14:20

Ngalelo langa nine niyakwati kutsi ngikuBabe nekutsi nine nikimi, njengobe nami ngikini.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 20:17

Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”

Imisebenti yebaPhostoli 17:28

Ngobe siphila sihambe sikuye, njengobe sinje, netimbongi takini tishito tatsi: “ ‘Natsi futsi singumliba wakhe.’

Imisebenti yebaPhostoli 2:36

“Bonkhe bantfu baka-Israyeli, kufanele bati kahle kutsi nguye yena loJesu, lenambetsela esiphambanweni, Nkulunkulu lasamente iNkhosi naKhristu!”

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

KubaseRoma 11:36

Ngobe konkhe kuvela kuye, kukhona ngaye, kukhonela yena. Akube kuye ludvumo nini nanini! Amen.

1 kubaseKorinthe 1:2

Iya ebandleni laNkulunkulu leliseKhorinte, kubo labangcwelisiwe kuKhristu Jesu, babitelwa kuba ngulabangcwele kanye nabo bonkhe, etindzaweni tonkhe, labakhuleka egameni laJesu Khristu, loyiNkhosi yabo neyetfu.

1 kubaseKorinthe 12:3

Ngako-ke ngitsandza kutsi nati kutsi, kute umuntfu lokhuluma ngaMoya waNkulunkulu longatsi: “Jesu akacalekiswe!” Futsi kute umuntfu longatsi: “Jesu uyiNkhosi!” ngaphandle kwemuntfu lonaMoya Longcwele.

1 kubaseKorinthe 6:13

Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.

1 kubaseKorinthe 8:4

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Kubase-Efesu 3:14

Ngenca yalesizatfu-ke, ngiguca ngemadvolo embikwaBabe,

Dutheronomi 4:35

“Letintfo natikhonjiselwa kutsi nati kutsi Simakadze unguNkulunkulu; ngaphandle kwakhe kute lomunye.

Dutheronomi 4:39

“Ngako khumbulani ningaphindzi nikhohlwe kusukela lamuhla kutsi Simakadze unguNkulunkulu, ezulwini etulu nasemhlabeni phansi. Kute lomunye.

Dutheronomi 6:4

“Lalelani, ma-Israyeli, Simakadze Nkulunkulu wetfu nguye yedvwana longuSimakadze.

KubaseKholose 1:6

Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.