1 kubaseKorinthe 4:17 - Siswati 1996 Bible

¹⁷ Ngaloko-ke sengitfumele kini Thimothi, longumntfwanami lengimtsandzako nalowetsembekile eNkhosini. Nguye-ke lotanikhumbuta ngekuhamba kwami lokukuKhristu Jesu, njengobe ngifundzisa etindzaweni tonkhe nasemabandleni onkhe.

1 kubaseKorinthe 4:17 Iomraidhean Croise

Taga 13:17

Sitfunywa lesingetsembeki sibanga tinhlupheko; kantsi lincusa leletsembekile liletsa kuphila.

Numeri 12:7

Kodvwa angenti njalo kulenceku yami Mosi. Kuyo yonkhe indlu yami wetsembekile.

Matewu 24:45

“Pho, ngubani losisebenti lesetsembekile nalesihlakaniphile, inkhosi yaso lesimise etikwebendlu yayo, kutsi sibanike kudla ngesikhatsi lesifanele?

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Matewu 25:23

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Imisebenti yebaPhostoli 16:1

BoPawula bahamba behlela eDebe naseListra, lapho bekukhona likholwa lelitsite, libito lalo kunguThimothi, indvodzana yemfati labengumJuda lokholwako, kodvwa uyise abengumGriki.

1 kubaseKorinthe 11:16

Kodvwa-ke nangabe umuntfu afuna kuphika inkhani, tsine site lelinye lisiko enkonzweni, nemabandla aNkulunkulu ate lelinye.

1 kubaseKorinthe 11:2

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona.

1 kubaseKorinthe 11:34

Nakukhona lolambile, abodla ekhaya, khona ningetiwubutsanela kulahlwa. Lokunye lokusalako sengiyawukusho, nangifika lapho.

1 kubaseKorinthe 14:33

ngobe Nkulunkulu akasiye Nkulunkulu wetiphitsiphitsi kodvwa wekuthula. Njengobe kunjalo kuwo onkhe emabandla alabangcwele,

1 kubaseKorinthe 16:1

Macondzana neminikelo lebutselwa kusita labangcwele, njengobe ngayala emabandla aseGalathiya, yentani njalo nani.

1 kubaseKorinthe 16:10

Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.

1 kubaseKorinthe 4:14

Anginibhaleli loku ngobe ngicondze kunidlisa ngemahloni, kodvwa ngiyaneluleka njengebantfwabami lengibatsandzako.

1 kubaseKorinthe 4:15

Nome nine ningaba nebeluleki labati-10 000 kuKhristu, nite boyihlo labanyenti; ngobe mine nganitala kuKhristu Jesu ngeliVangeli.

1 kubaseKorinthe 4:2

Futsi-ke baphatsi kufuneka kutsi batfolakale betsembekile.

1 kubaseKorinthe 7:17

Kuphela nje kutsi ngulowo nalowo akachubeke njengobe Nkulunkulu amabele, kube ngulowo njengobe Nkulunkulu ambitile. Yebo, ngiyala kanjalo emabandleni onkhe.

1 kubaseKorinthe 7:25

Macondzana nalabasengakashadi ngite umyalo weNkhosi, kepha ngitanitjela lengikubonako njengemuntfu lowetsembekile ngekuhawukelwa yiNkhosi.

2 kubaseKorinthe 8:18

Simtfumele lapho kini kanye nemzalwane lodvunyiswa kuwo onkhe emabandla ngemsebenti wakhe wekuhambisa liVangeli.

Kubase-Efesu 6:21

Thikhikhusi, umzalwane wetfu lotsandzekako nalosisebenti lesetsembekile emsebentini weNkhosi, utanatisa konkhe ngami, khona nitekwati kutsi ngichubeka njani.

KubaseFiliphi 2:19

Kepha ngiyetsemba eNkhosini Jesu kutsi ngitawutfumela Thimothi kini masinyane, kuze nami ngitewujabula nasengive tindzaba tenu letimnandzi.

KubaseFiliphi 2:22

Kepha vele niyakwati kwetsembeka kwakhe, kutsi ukhonte kanye nami eVangelini njengendvodzana ibambisene neyise.

KubaseKholose 1:7

Nafundziswa ngu-Ephafrasi lotsandzekako, losisebenti kanye natsi. Nguye losimelele ngekutsi abesikhonti lesetsembekile saKhristu.

KubaseKholose 4:9

Utawube ahamba na-Onesimuse, umzalwane lomunye lowetsembekako nalotsandzekako, yena-ke ungulomunye wenu. Batanilandzisa-ke ngako konkhe lokwenteka ngalapha.

1 kuThimothi 1:18

Thimothi, ndvodzana yami, ngikwetfwesa lomtfwalo ngikhumbula tiphrofetho letaticondziswe kuwe, ngitsi: Lwani ngato kulwa lokuhle

1 kuThimothi 1:2

Iya kuThimothi, umntfwanami sibili ekukholweni. Umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu, akube nawe.

2 kuThimothi 1:2

Iya kuThimothi, umntfwanami lotsandzekako. Akube kuwe umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu.

2 kuThimothi 2:2

Loko lokuve kimi embikwabofakazi labanyenti, nawe kuphatsise bantfu labetsembekile labatawuba nemandla ekukufundzisa kulabanye.

2 kuThimothi 3:10

Kodvwa wena ungilandzele kunaku: esifundzisweni, nasekutiphatseni, nasemgomeni, nasekukholweni, nasekubeketeleni, naselutsandvweni, nasekubambeleleni,

kuThithusi 1:5

Lokwangenta ngikushiye lapho eKhrethe kutsi usale ulungisa tintfo letitsite letifanele kulungiswa, ubeke babonisi kulelo nakulelo dolobha, njengobe ngakuyala.

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.

Sembulo 2:13

Ngiyati lapho uhlala khona; uhlala lapho Sathane anesihlalo sakhe sebukhosi khona. Libito lami ulibambisisile, awuzange ungihlubuke ngisho namhlazane Antipasi, fakazi wami lowetsembekile, abulawa emkhatsini wenu, lapho kuhlala khona Sathane.