1 kubaseKorinthe 3:17 - Siswati 1996 Bible

¹⁷ Nangabe umuntfu abhidlita lithempeli laNkulunkulu, Nkulunkulu, uyakumbhidlita naye. Ngobe lithempeli laNkulunkulu lingcwele, nine-ke ningilo lelithempeli.

1 kubaseKorinthe 3:17 Iomraidhean Croise

Genesisi 28:17

Wefikelwa kwesaba, watsi: “Maye, lendzawo iyesabeka! Ngempela lendzawo iyindlu yaNkulunkulu. Leli lisango lasezulwini.”

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

Tihlabelelo 74:3

Yelulela tinyawo takho ekudzilitweni kwaphakadze, sitsa sibhidlite konkhe endlini lengcwele!

Tihlabelelo 79:1

Awu, Nkulunkulu! Bahedeni sebangene efeni lakho, bangcolisa lithempeli lakho lelingcwele, bagucula iJerusalema bayenta tindzala.

Tihlabelelo 93:5

Bufakazi bakho buciniseke kakhulu, bungcwele buyifanele indlu yakho, phakadze naphakadze, Simakadze.

Tihlabelelo 99:9

Phakamisani Simakadze, Nkulunkulu wetfu, mkhotsameni nimkhonte kulentsaba yakhe lengcwele. Simakadze, Nkulunkulu wetfu, ungcwele!

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Isaya 64:11

Lithempeli letfu lelingcwele nalelikhatimulako, lapho bobabemkhulu bebakukhonta khona, selishiswe ngemlilo, nako konkhe lebekuligugu kitsi sekuyimfuhlululu nje.

Hezekeli 43:12

“Lona ngumtsetfo welithempeli: Yonkhe lendzawo lelitungeletile esicongweni sentsaba iyakuba ngcwelengcwele. Unjalo-ke umtsetfo welithempeli.”

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hezekeli 7:22

Ngiyawubafulatsela, nabo bayawuyonakalisa lendzawo yami leligugu kangaka; bosidlani bayawungena ngekhatsi kuyo bayingcolise.

Levithikusi 15:31

“ ‘Kufanele uwehlukise kanjalo-ke ema-Israyeli etintfweni letingabenta bangcole, kuze bangafeli ekungcoleni kwabo ngekwedzelela lithende lami lekukhontela nome indzawo yami lengcwele lesemkhatsini wabo.

Levithikusi 20:3

Buso bami ngiyawubufulatselisa kulowo muntfu ngimncume esiveni sakubo, ngobe phela ngekunikela ngebantfwabakhe kuMoloki ungcolise indlu yami lengcwele, wahlambalata libito lami lelingcwele.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Numeri 19:20

“Kodvwa nangabe lomuntfu longcolile angatihlambululi yena, kufanele ancunywe esiveni sakubo, ngobe uhlambalate indzawo lengcwele yaSimakadze. Emanti ekuhlambulula akaze afafatwe etikwakhe, ungcolile.

1 kubaseKorinthe 3:16

Anati yini kutsi nine nilithempeli laNkulunkulu nekutsi Moya waNkulunkulu uhlala ekhatsi kini?

1 kubaseKorinthe 3:18

Akubete lotiyengako, nangabe umuntfu atsi uhlakaniphile emkhatsini wenu kulesikhatsi, akabe silima, khona atewuba ngulohlakaniphile.