1 kubaseKorinthe 11:6 - Siswati 1996 Bible

⁶ Nangabe umfati angambonyi inhloko yakhe, akahhule; nangabe kulihlazo kumfati kuhhula, akashucule.

1 kubaseKorinthe 11:6 Iomraidhean Croise

Numeri 5:18

Utawutsi umphristi angemisa lomfati embikwaSimakadze, bese umtfukulula tinwele takhe afake etandleni talomfati umnikelo walokutinhlavu lekungewesikhumbuto sesikhwele, lomphristi utawube aphetse lamanti lababako laletsa sicalekiso.

Imisebenti yebaPhostoli 18:18

Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

1 kubaseKorinthe 11:5

Kepha ngulowo nalowo mfati losuke athandaza nome aphrofetha, angabophi lutfo enhloko, usuke ahlazisa inhloko yakhe, indvodza yakhe, ngobe loko kuyaye kufanane nekutsi uhhulile.

1 kubaseKorinthe 11:7

Ngobe empeleni indvodza ayikafaneli kushucula enhloko, ngobe ingumfanekiso neludvumo lwaNkulunkulu, kodvwa umfati uludvumo lwendvodza.

Dutheronomi 22:5

“Lomsikati akukafaneli embatse timphahla temuntfu lomdvuna, kanjalo futsi nalomdvuna akufanele embatse timphahla talomsikati, ngobe lowenta loko usinengiso kuSimakadze Nkulunkulu wenu.