1 kubaseKorinthe 11:16 - Siswati 1996 Bible

¹⁶ Kodvwa-ke nangabe umuntfu afuna kuphika inkhani, tsine site lelinye lisiko enkonzweni, nemabandla aNkulunkulu ate lelinye.

1 kubaseKorinthe 11:16 Iomraidhean Croise

Jeremiya 32:11

Ngatsatsa lencwadzi yekutsenga, incwadzi leyayivalwe ngeluphawu inayo yonkhe iminantiso nemininingwane yekutsenga kanye nencwadzi leyayingakangcivitwa.

Imisebenti yebaPhostoli 21:21

Futsi sebatjeliwe ngawe kutsi bewufundzisa onkhe emaJuda lahlala emaveni aletinye tive kutsi akayekele umtsetfo waMosi, uwatjela nekutsi akayekele kusoka bantfwabawo nekwenta emasiko.

Imisebenti yebaPhostoli 21:24

Hamba nalamadvodza utihlanganise nawo nitihlambulule ngekwelisiko, bese uwakhokhela tindleko tawo; atawube asahhula tinwele tetinhloko tawo. Ngekwenta njalo-ke bonkhe bantfu batakwati kutsi kute liciniso kuto tonkhe letintfo labatjelwe tona ngawe, kepha batakwati kutsi nawe uhamba ngawo umtsetfo waMosi.

1 kubaseKorinthe 11:15

Kodvwa umfati nakanetinwele letindze, kuludvumo kuye. Ngobe kuye tinwele letindze tiliduku lemvelo lelingesuki.

1 kubaseKorinthe 16:1

Macondzana neminikelo lebutselwa kusita labangcwele, njengobe ngayala emabandla aseGalathiya, yentani njalo nani.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

1 kubaseKorinthe 7:17

Kuphela nje kutsi ngulowo nalowo akachubeke njengobe Nkulunkulu amabele, kube ngulowo njengobe Nkulunkulu ambitile. Yebo, ngiyala kanjalo emabandleni onkhe.

1 kubaseKorinthe 9:1

Angikakhululeki yini? Angisiye yini umphostoli? Angimbonanga yini Jesu iNkhosi yetfu? Nine anisiwo yini umsebenti wami eNkhosini?

1 kubaseKorinthe 9:6

Kantsi ngimi naBhanabasi kuphela yini labafanele kutiholela ngekutisebentela?

1 kubaseThesalonika 2:14

Bazalwane, nani naba balingisi bemabandla aNkulunkulu aseJudiya lakuKhristu Jesu; ngobe nani nehlelwa kuhlupheka kunye ngekuhlushwa bantfu bakini, njengobe nebantfu balawo mabandla bahlushwa ngemaJuda.