1 kubaseKorinthe 1:20 - Siswati 1996 Bible

²⁰ Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

1 kubaseKorinthe 1:20 Iomraidhean Croise

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 16:23

Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

Jobe 12:17

Wenta babusi batiphatsise kwetilima, ente behluleli babe tilima.

Jobe 12:20

Ubindzisa beluleki labetsembekile, esuse inhlakanipho yebaholi.

Jobe 12:24

Babusi betive temhlaba ubemuka kuhlakanipha, abayekele bazulazule ehlane bangayiboni indlela,

Isaya 33:18

Emicabangweni yakho uyakuzindla ngekwesatjiswa kwakucala: “Iphi lendvuna lenkhulu? Uphi lona abetsatsa imitselo? Iphi yona lendvuna lebeyibala imibhoshongo?”

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Isaya 53:1

Ngubani lowakholwa ngumbiko wetfu? Wona umkhono waSimakadze wembulwa kubani?

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Johane 12:31

Manje sesikhatsi sekwehlulelwa kwalelive, nembusi walelive sewutawucitfwa.

Imisebenti yebaPhostoli 17:18

Letinye tati letitsite tema-Ephikhuri nemaStoyiki taphikisana naye. Letinye tatsi: “Lesibhungayeti setama kutsini?” Letinye tatsi: “Shangatsi ushumayela ngabonkulunkulu labangatiwa.” Takusho loku ngobe Pawula abeshumayela ngaJesu nangekuvuka kwalabafile.

KubaseRoma 1:20

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba;

KubaseRoma 1:22

Batsi bahlakaniphile, besuka baba tilima;

1 kubaseKorinthe 1:19

Ngobe kubhaliwe kutsi: “Ngiyawucitsa kuhlakanipha kwalabahlakaniphile, nekucondza kwetati ngikwente kube lite.”

1 kubaseKorinthe 1:26

Bazalwane bami, khumbulani kubitwa kwenu, kutsi ababanyenti labahlakaniphile ngekwasemhlabeni, ababanyenti nalabanemandla, ababanyenti nalabahloniphekile ngekutalwa kwabo.

1 kubaseKorinthe 1:27

Kodvwa Nkulunkulu wakhetsa lokubulima emhlabeni, kuze ajabhise labahlakaniphile, wakhetsa lokubutsakatsaka, kuze ajabhise lokunemandla.

1 kubaseKorinthe 1:28

Nkulunkulu wakhetsa lokubukeleka phansi nalokwedzelelekile emhlabeni; wakhetsa netintfo letingekho, khona atewucitsa letikhona,

1 kubaseKorinthe 11:32

Kepha nasehlulelwa yiNkhosi, siyalwa ngiyo, kuze singalahlwa kanye nelive.

1 kubaseKorinthe 2:6

Kodvwa sikhuluma inhlakanipho kubantfu lasebakhulile eNkhosini. Kepha lenhlakanipho akusiyo yalesikhatsi nome yebabusi lababhubhako balesikhatsi.

1 kubaseKorinthe 2:8

Ayatiwa ngisho nangumunye webaholi balesikhatsi salamuhla. Ngobe kube bebayati ngabe abayibetselanga iNkhosi yenkhatimulo.

1 kubaseKorinthe 3:18

Akubete lotiyengako, nangabe umuntfu atsi uhlakaniphile emkhatsini wenu kulesikhatsi, akabe silima, khona atewuba ngulohlakaniphile.

1 kubaseKorinthe 3:19

Ngobe kuhlakanipha kwalomhlaba kubulima kuNkulunkulu; futsi kubhaliwe kutsi: “Ubamba labahlakaniphile ebucilini babo,”

1 kubaseKorinthe 6:2

Anati yini kutsi labangcwele bayakwehlulela umhlaba? Nangabe-ke umhlaba uyakwehlulelwa ngini, ningehlulwa yini kwehlulelana emacaleni enu lamancane kangaka?

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.