9 Bane be Nyambi nuyagwanune yenu ne yenu, nutsatse tabulilu bumbanze ne Nyambi. Nzonzi ke vane, ake ve mune ndagu!
Bane be Nyambi, nuyagelesene yenu ne yenu. Awageli mbatsi, ne wakwevagi nzonzi andi, agageli ne gukwevage nzonzi mugage Nyambi. Lavane, pasi re wuke nzonzi mugage, wuse gandi mutu wamugobisi.
Nyambi vike re gavegi mugage. Yandi re nzonzi. Yandi re benze gobule negubuse gobule. Tumbe ndyayu, wu nye gube nzonzi mbatsi agu?
Bane be Nyambi, vingile anu ne gitu kwange Fumu gurugile. Labe anu neve muvaritsi gavingilili bivaru birege gwele, kwange bi disukisilu.
Bane be Nyambi, bange anu ne bebigitsi bambile mu dine di Fumu, besindile mukengu ne gitu.