Nuguye, nugunu mbure mosi ve tavuli ami yi bulongu bu ami ve nigubile Kanangu. Vane, nugube metsagene ve gipu gi bundumbe gu gutabule bumbanze bu digumi di bifumbe ne bifumbe bibeye bi bane be Iserayel.»
Ve bevudugile gu Serisalem bepande gu ndagu ndiki gu bebenguninange ne mbetsi. Gube: Pyere, San, Sake ne Anderé, Filip ne Tome, Baretelemi ne Matye, Sake mwane Alefé, Simu yanengu re giyani, ne Suda mwane Sake.
Ne dikake, abevage re volanu sige abambile nevu Fumu muvudusile gu nzugu. Akunde re «Dyambilyanu Sake ne bane be Nyambi botsu.» Sige avuduge ne gwende gu nzusu.
Bebevege gubege gisangumu: «Yetu bilumbi ne bivunde, bilonge bi enu bi gitu, dwabwegisi bane be Nyambi be sandi Sif batsageni gu Atyose, gu Siri ne gu Silisi.
Digumi ne bibeye di bifumbe bi bumongu bene gitu gi gulabe ndagi ne gudyanzile Nyambi ne ndure ne nyangu ne dibeti. Kanangu ami, Sif bamvurigili dibandu gitu gine!
Sol abe dimosi ne batu be boke Etyene. Wisi wune re wupakile dikwanu di dibundu di Serisalem. Bane botsu be Nyambi, vengu ka bilumbi bi Sesu, bepanzige mu binange bi Sudé ne Samari.