YUDA 1:4 - Ha`bari Ndjema ya I Maore

⁴ Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.

YUDA 1:4 Iomraidhean Croise

MATIYO 13:25

Ɓadi wakati watru waka walala, ãduwi yahe aja, atsanya mbia mbovu hari-hari na yimirama-mitsa v̄ale, amwesa andre dzahe.

YUHANI 17:3

Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

MAV̄INGIZI-RISALA 11:23

Uwaswili yahe ata aona ineema ya Mungu, afurahi, tsena awatria ɓari piyawo wasike ha umo muhodari uaminifu wawo na Raɓi.

MAV̄INGIZI-RISALA 15:24

Rijudzwa amba v̄urilawia watru hunu, wala tsi ha iãmuri yatru, waja wamutashaushini zifikira zanyu ha yamarongozi yawo, wamumenyeni ziroho zanyu.

MAGALATWIYA 2:4

Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

1 TIMUTAUSU 5:8

Neka mutru kasuangalia wadjamazahe, na hususwani wale muraɓani hahe, v̄av̄o av̄a mengo uaminifu, tsena a movu rahana mutru kaamini.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

2 TIMUTAUSU 3:6

Hari mwawo v̄wa ɓaãdhwi wadziseledzao moni na malago ya watru, na urenga matreka watruwashe wendza zitswa ndzangu, watruwashe wadzitrihisao udziro wa madhambi, na uv̄ingwa ha ngushauku za namuna na namuna.

1 MONYE 2:16

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

1 MONYE 2:8

Na tsena: «Ɓwe likwalisao, ɓwe-monye liusao.» Wao ulikwala, mana kawasutuĩ Urongozi. Na iyo ɗe itrongo wahetsiwayo.

1 MONYE 4:18

Na tsena amba: «Neka umutuĩvu uhuyiwa ha udziro, ɓasi atsoka jeje umovu na umufanyizi-madhambi?»

2 MONYE 2:10

na hususwani wao walio amba shahawa zendza tsama zawo uwav̄inga hari mwa ngushauku za shiuɓinadamu na upuzisa kula yezi. Wao watru wendza usuɓutu, tsena wadzionao. Wao kawariyi utefua ziumbe ndzitukufu za mbinguni,

2 MONYE 2:7

ɓadi neka amuhuyi Lutwi umwendza haki alio amba akosikitiha halisi na itaɓia mbovu ya makatili.

2 MONYE 3:7

Na v̄anu ha urongozi ɗe uwo-uwo, ɗe zimbingu na ishiv̄andre ya tsi za av̄asa zahetsiwa ha ulindrilia umoro, zalishwa ya iSuku ya Hukuma, na uangamifu wa waovu.

1 YUHANI 2:22

uMunafiki ɗe mbani, neka tsi ɗe uwo aharao amba Insa ɗe Kristi? Uwo ɗe uMukanyusha-Kristi, uwo amuharao Ɓaɓa na uMwana.

YUDA 1:15

ile afanye hukuma kinyume na piya wanadamu, na uv̄enulia uwaovu piya zitrendrwa mbovu zawo na piya marongozi ya shilihidzo maãswifu mashirikina wayarongoa kinyume na waye.»

YUDA 1:18

Wakomuambiani amba: «Hari mwa uwakati wa mwiso, v̄utsoka wafudhuli watsendrao ha zingushauku mbovu zawo wenyewe.»

MUV̄ENULIO 15:4

Mbani katsoria, wala katsotukuza dzina laho Mola? Mana wawe weke ɗe Mutwaharifu. Na piya zinishani zitsoja, amwesa zitsosudjudia mbeli zaho, mana uhaki waho uv̄enuha.»