YUDA 1:17 - Ha`bari Ndjema ya I Maore

¹⁷ Ɓadi wanyu wav̄endzewa, namunahane marongozi yatolwa rangu kaɓula na yaMav̄ingizi-Risala|Mav̄ingizi-Risala ya Raɓi watru Insa-Kristi.

YUDA 1:17 Iomraidhean Croise

MAV̄INGIZI-RISALA 20:35

Hari mwa piyazo tsimuonesani amba ha udziruma namuna ini ɗe ralazimu risaidiye wao kawasudzishindra, na unahana yamarongozi ya Raɓi Insa ayarongoa waye ha waye: ‹Uv̄a ina furaha zaidi rahana upara.› »

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.

1 YUHANI 4:6

Wasi wa shi Mungu, na uwo amujuao Mungu, urivulishia; uwo tsi wa shi Mungu karivulishia. Ɗe ha izo ɗe rijuao iRoho ya ikweli, na iroho ya itrambo.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.