MAFILIPI 4:2 - Ha`bari Ndjema ya I Maore

² Nisumutria ɓari Eyodia, nisumutria ɓari wajau Sintiki wake na fikira moja hari mwa uv̄umoja wawo na Raɓi.

MAFILIPI 4:2 Iomraidhean Croise

MARKUSI 9:50

Shingo, iyo shitru ndjema. Ɓadi neka shingo ilawa ladha, ha trini ɗe mutru atsoshindrao airegeze? Namuke na shingo moni hanyu, tsena muke na amani wanyu na wanyu.»

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

1 MATESALONIKA 5:13

Namuwav̄e hishima ha kusudi na mahaɓa, ha siɓaɓu ya urumishi wawo. Namukane amani wanyu na wanyu.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.