MAFILIPI 3:6 - Ha`bari Ndjema ya I Maore

⁶ yahusu djitihadi, amba mutresa wa iDjama Ndziwaminifu; yahusu uhaki wa utuĩ iSharia, tsakana tuhuma.

MAFILIPI 3:6 Iomraidhean Croise

MATIYO 23:25

Maondo hanyuju, wanyu Mafundi ya Sharia na Mafarisayo, wanafiki! Wanyu utwaharisha shikombe na sahani v̄ondze, na moni v̄ujaya urav̄izi na uv̄endza-upara.

MATIYO 5:20

Ɓasi nisumuambiani, neka utuĩvu wanyu kausuv̄iria wa Mafundi ya Sharia na Mafarisayo, kamutsongia ata hata hari mwa Utawalizi wa Monyewe ziMbingu.»

LUKASI 1:6

Wao waili waka watuĩvu mbeli za Mungu, tsena hari mwa itrongo ya uɗunga piya ziãmuri na yamasharuti ya Mola, kawakana lawama itsokao yotsi.

MAV̄INGIZI-RISALA 21:20

Ɓaanda wamukia, wamutukuza Mungu, amwesa wamuambia Ɓaulusu: «Usuona, mwananyatru, amba mialifu na mialifu ya Mayahudi waja waamini, na piyawo wana djitihadi na iSharia.

MAV̄INGIZI-RISALA 22:5

mauri ɗe iheli uMuɓole wa yaMatolezi-Masadaka|Mutolezi-Masadaka na piya uMungulidzano wa Waɓole|Mungulidzano wa Waɓole watsonilawiao ushahidi, iv̄o ilio amba tsipara maɓarua yalawa hawo, yakwendra ha wananyawo walio Damasko, oho naka nandra ha ondrozia waaminifu waka, niwav̄inge Yerusalemu, wandre wahadhaɓishiwe.»

MAV̄INGIZI-RISALA 26:5

Ɓaanda wanijuao rangu shifundra, watsojua walawe ushahidi neka wasutsaha, amba tsiẽshi Mufarisayo atsimu, ha uɗunga ishama kali zaidi ya idini yatru.

MAV̄INGIZI-RISALA 8:3

Ɓadi Saulusu v̄ahe, akotsaha aangamidze iDjama Ndziwaminifu. Akongia moni na zinyumba, akogogora rangu watruɓaɓa ata watrumama na uwatria shiv̄ani.

MAROMU 7:9

Hale oho, ɓaanda raha iSharia kayaka, tsika hayi. Ɓadi wakati iSharia yaja, v̄av̄o dhambi liv̄enuha amba la hayi,

1 MAKORINTIYO 10:32

Musuke siɓaɓu ya ukwalisa, tsi ha Magiriki, wala tsi ha Mayahudi, wala tsi ha iDjama Ndziwaminifu ya Mungu,

1 MAKORINTIYO 15:9

Mana wami ɗe umuv̄ungufu hari mwa yaMav̄ingizi-Risala, tsisustahiki ata uhiriwa Muv̄ingizi-Risala, mana tsitrese iDjama Ndziwaminifu ya Mungu.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

1 TIMUTAUSU 1:13

wami nilio amba hale oho nakokufuru, nakotresa na uruhana. Ɓadi tsidjaãliwa urehema, mana nakorendra ɓila ujuzi, iv̄o tsakana uaminifu.