MAFILIPI 3:3 - Ha`bari Ndjema ya I Maore

³ Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAFILIPI 3:3 Iomraidhean Croise

MAROMU 1:9

Mungu nimurumishiao rohoni hangu ha ujudza iIndjili ya uMwana wahe, a shahidi wangu amba ha daima wami umumiliani.

MAROMU 15:17

V̄av̄o ɓasi, ha uv̄umoja nilionawo na Kristi-Insa, nisudziparia sifa na ihazi yangu ya umurumishia Mungu.

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

MAROMU 8:39

tsi za uju oho wala za uzimu, wala kav̄u shiumbe itsokao yotsi yangina itsoshindrao iritsapuwe na uv̄endza ya Mungu yav̄enuha ha Kristi-Insa, Raɓi watru.

MAROMU 9:6

Tsi amba urongozi wa Mungu kawafayi. Mana tsi piya wao wadzalwa na Israila walio Maisraila.

2 MAKORINTIYO 11:18

Ɓaanda wengi wadziɓuao shiuɓinadamu, wami wajau nitsodziɓua.

MAGALATWIYA 5:25

Iv̄o riẽshio ha iRoho, narendre wajau ha iRoho.

MAGALATWIYA 6:16

Ha piya wao waɗungao musariɓio uwo, utrulivu na urehema naziendreleye, tsena ha iIsraila ya Mungu.

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

MAFILIPI 3:12

Na v̄anu kaisi amba madza tsipara itrongo, au madza tsikamiliha, ɓadi nisusimamia ile niipare, iv̄o wami-wami naparihana na Kristi-Insa.

MAFILIPI 3:14

nisusimamia ne niwaswili mupakaju, ile nipare ihishima amma ɗe umuhirio wa Mungu pev̄oni hari mwa uv̄umoja na Kristi-Insa.

MAKOLOSIYA 2:11

Hari mwa uv̄umoja na waye raha, wanyu mutahiriwa|utahiri, wala tsi matahiri yafanyiwa ha mihono ya wanadamu, ɓadi ɗe mutru utolewa ushindzi wa itaɓia ya shiuɓinadamu; na yao ɗe matahiri ya shiKristi.

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,