MAFILIPI 2:9 - Ha`bari Ndjema ya I Maore

⁹ Iyo ɗe imana ata Mungu amuhedza hari mwa liɓandza la uju rahana piya, amwesa amuv̄a lidzina lilio uju rahana kula dzina,

MAFILIPI 2:9 Iomraidhean Croise

MATIYO 11:27

Piya trongo tsiv̄olwazo na Ɓaɓangu, na kav̄u ajuao uMwana neka tsi ɗe Ɓaɓa, wala kav̄u ajuao Ɓaɓa neka tsi ɗe uMwana, na uwo uMwana atsahao amuv̄enuliye.

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

LUKASI 10:22

Piya zitru tsiv̄olwazo na Ɓaɓangu. Kav̄u ajuao uutru wa uMwana neka tsi ɗe Ɓaɓa, ɓila ajuao uutru wa Ɓaɓa neka tsi ɗe uMwana, na yotsi uMwana atsahao amuv̄enuliyewo.»

YUHANI 13:3

Insa akojua amba Ɓaɓa atria piya zitrongo mihononi hahe, amba alawa ha Mungu, amwesa akorudi ha Mungu.

YUHANI 17:11

Tsisi tsena ulemenguni, ɓadi wao wa ulemenguni, na wami nisuja haho. Ɓaɓa Mutwaharifu, wasike hari mwa lidzina laho, lilo waniv̄alo, pare wake shitru moja, mauri ɗe wasi.

YUHANI 17:12

Wakati naka v̄umoja na wao, nakowasika moni na lidzina laho, lilo waniv̄alo. Tsiwahifadhwi, na kav̄u ata moja hari mwawo apotea neka tsi ɗe umwana wa upotevu, ile uMuangishio utsimidzihe.

YUHANI 17:5

Na av̄asav̄anu Ɓaɓa, v̄enua utukufu wangu mbeli zaho, utukufu naka nawo haho, kaɓula ya lidunia uka.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MAKOLOSIYA 1:18

Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

2 MATESALONIKA 1:12

V̄av̄o lidzina la Raɓi watru Insa litsotukuziha hanyuju, na wanyu haheju, ha ulingana na irehema ya Mungu watru na ya Raɓi Insa-Kristi.

MAHEƁRANIYA 1:4

Afanyishiha muɓole rahana zimalayika, ata lidzina aliarithi ne dzihu rahana lazo.

MAHEƁRANIYA 1:9

Uv̄endze uhaki, amwesa uenge uovu; iyo ɗe imana Mungu, ata Mungu waho ahutsahua ha uhutsomolea shitswani matra ya furaha zaidi rahana wanyaho.»

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 2:9

Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.

1 MONYE 3:22

alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.

2 MONYE 1:17

Mana apara ha Mungu Ɓaɓa hishima na utukufu, wakati liji lamujilia ulawa ha Mwendza Utukufu Muhu, amba: «Unu ɗe uMwana muv̄endzewa wangu, tsena wami ujiv̄iwa halisi na waye.»

3 YUHANI 1:7

Mana ɗe ha siɓaɓu ya lidzina la Kristi ɗe wao walawa, ɓila upara itsokao yotsi ha wale kawamuji Mungu.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 19:16

Ana hari mwa inguo yahe na hari mwa lipaja lahe dzina laangihwa: «Mufalume wa mafalume na Raɓi* wa maraɓi.»

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

MUV̄ENULIO 5:12

Ha ji lendza nguvu wakorongoa: «uMwana Ɓariɓari aka atsindzwa astahiki apare ushindzi, utadjiri, hikima, nguvu, hishima, utukufu, na sifa!»