MAFILIPI 2:8 - Ha`bari Ndjema ya I Maore

⁸ Adzishukidza waye ha waye ha ufanyiha mutuĩvu ata mupaka ufaju, ufa hari mwa muri wa pawa.

MAFILIPI 2:8 Iomraidhean Croise

MATIYO 17:2

Na hule agauha mbeli zawo: sura yahe yakowala mauri ɗe lijua, na nguo zahe zifanyiha ndjeu, zakov̄ev̄ena mauri nuru.

MATIYO 26:39

Atsengelea mbeli mwanapav̄i, areme uuso v̄otsi, amwesa amia Mungu ha urongoa: «Ɓaɓangu, neka iyo trongo mukinishiha, ishikombe ya matreso ini iv̄ire mbali na wami; ɓadi tsi ɗe mav̄endzeleo yangu, ɓadi yaho.»

MATIYO 26:42

Atsengelea mbeli mwanapav̄i tsena mara ya v̄ili, amia Mungu zini: «Ɓaɓangu, neka tsi trongo mukinishiha ya ishikombe ini uv̄ira mbali wala nasuinwe, v̄av̄o mav̄endzeleo yaho nayafanyishihe.»

LUKASI 9:29

Wakati wa mamilio yahe yale, isura yahe igauha, na nguo zahe zakovaga ha uweu.

YUHANI 10:18

Kav̄u mutru anitoleawo, ɓadi nisuuv̄a wami monyewe. Tsina ushindzi wa uuv̄a, tsena tsina ushindzi wa uurenga raha. Iyo ɗe iãmuri naipara ha Ɓaɓangu.»

YUHANI 14:31

ɓadi ile lidunia lijuwe amba nisumuv̄endza Ɓaɓa, nisurendra ha uɗunga izo Ɓaɓa aniãmurisha. V̄av̄o namuhime, rilawe v̄anu.»

YUHANI 15:10

Neka musutuĩ ãmuri zangu, mutsoɓaki hari mwa uv̄endza yangu, mauri ɗe inamuna natuĩ ziãmuri za Ɓaɓangu, tsena niɓakio hari mwa uv̄endza yahe.

YUHANI 4:34

Insa awaambia: «Shahula yangu ɗe wami ufanya yamav̄endzeleo ya Uwo aniv̄eleha, na utsimidza urumwa wahe.

MAV̄INGIZI-RISALA 8:33

Ha inamuna afedheheshwa, ɓasi waye kav̄olwa haki. Mbani ɗe atsotoao hadisi zilembwe zahe? Mana maẽsha yahe yazimwa hatwi shiv̄andreju mwa tsi.»

MAROMU 5:19

Tsena, mauri ɗe ha mutru moja katuĩ, wengi wafanyiha maãswifu, ɓasi ɗe ha inamuna iyo wajau ha utuĩvu wa mutru moja, wengi watsokuɓalishiha mbeli za Mungu.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 12:4

Hari mwa ushindrana yanyu kinyume na dhambi, raha kamwakingia ata mwatra damu.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.