MAFILIPI 2:7 - Ha`bari Ndjema ya I Maore

⁷ ɓadi adzitsuliawo waye monyewe ha udzifanya murumwa, ha urendreha mufano wa wanadamu; mutru amomuona, akoona mwanadamu.

MAFILIPI 2:7 Iomraidhean Croise

MATIYO 12:18

«Tsunu murumishi wangu namutsahua, muv̄endzewa wangu, uwo umo wangu wajiv̄iwa na waye. Nitsohetsi Roho yangu ju lahe, na waye atsojudza ihaki ha zinishani.

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

MARKUSI 9:12

Awadjiɓu: «Kweli amba Eliya alazimu aje raɓuzi, ile arengeledze piya zitrongo. Ɓasi manatrini yaangihwa tsena yahusu uMwana wa Mwanadamu amba ilazimu aondeshehe na nyengi, amwesa apuzisiwe?

LUKASI 22:27

Mana uv̄i ɗe umuɓole? Ɗe ule aketsi mezaju, au ɗe ule ayelesheao? Hali tsi ɗe ule aketsi mezaju? Na wami tsa hari mwanyu amba ɗe mutru arumishiao.

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

MAROMU 1:3

Haɓari Ndjema yahusu uMwana wahe alio amba ha mwili, aka shilembwe ya Daudu.

MAROMU 15:3

Mana Kristi waye kadzijiv̄idza iwaye yahe, ɓadi mauri ɗe iheli yaangihwa moni na uMuangishio: «Maruhano ya wao wahuruhanao, yanipara ɗe wami.»

MAROMU 15:8

Mana nisurongoa amba Kristi arendreha murumishi wa Mayahudi ile aonese ukweli wa Mungu, ha utsimidza zinguwahadi zatolewa ha uwadzaɗe,

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

2 MAKORINTIYO 13:4

Mana kweli amba aulawa ha uremwa mizumari muriju mwa pawa|muri wa pawa hari mwa ulemevu wahe, ɓadi a hayi ha ushindzi wa Mungu. Wasi wajau ra walemevu ha uv̄umoja watru na waye, ɓadi ritsoẽshi v̄umoja na waye ha ushindzi wa Mungu hari mwanyu.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

MAFILIPI 2:6

Waye alio amba aka hali moja na Mungu, kaona uka yahe sawa na Mungu amba trongo ya usika,

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 13:3

Namunahane wafungwa, mauri mufungwa v̄umoja na wao, na wao warendrwao nnayi, mana wanyu wajau mwa hari mwa mwili.

MAHEƁRANIYA 4:15

Mana karisina Mutolezi-Masadaka Muɓole kaelewa ulemevu watru; aka adjereɓiwa hari mwa piya zitrongo mauri ɗe wasi, ɓadi kaãswi.