MAFILIPI 2:6 - Ha`bari Ndjema ya I Maore

⁶ Waye alio amba aka hali moja na Mungu, kaona uka yahe sawa na Mungu amba trongo ya usika,

MAFILIPI 2:6 Iomraidhean Croise

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

YUHANI 10:30

Wami na Ɓaɓa, wasi moja.»

YUHANI 10:33

Mayahudi yamudjiɓu: «Tsi ha siɓaɓu ya shitrendro ndjema ɗe ritsahao rihuvutsiye mawe, ɓadi ɗe iv̄o wamukufuru Mungu, mana wawe mwanadamu usudzifanya Mungu.»

YUHANI 10:38

Ɓadi neka nisuzifanya, wala ukana amba kamusuniamini wami, namuamini zitrendro zile, pare mujuwe amwesa muelewe, amba Ɓaɓa a moni hangu, na wami tsa moni ha Ɓaɓa.»

YUHANI 14:28

Mukia amba tsimuambiani: ‹Wami nisendra dzangu, amwesa nitsomurudiani›. Neka musuniv̄endza, mutsofurahi iv̄o nendrao ha Ɓaɓa, mana Ɓaɓa muɓole rahana wami.

YUHANI 14:9

Insa amuambia: «Filiɓusa, ina muda mwengi nilio na wanyu, ne kwanijua? Mutru aniona, amuono Ɓaɓa. Ɓas, ha namuna jeje ata urongoao: ‹Rionese Ɓaɓa›?

YUHANI 17:5

Na av̄asav̄anu Ɓaɓa, v̄enua utukufu wangu mbeli zaho, utukufu naka nawo haho, kaɓula ya lidunia uka.

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

YUHANI 5:18

Ɓasi ha izo tsena ɗe yamakizi-mbeli ya Mayahudi yakozidi uzunguha ndzia wamuule. Mana tsi tu amba akovundza iSharia ya iSuku ya Uv̄umuzi, ɓadi akorongoa amba Mungu ɗe Ɓaɓahe kweli-kweli, na ha izo akodzifanya sawa na Mungu.

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

MAROMU 9:5

Wadzaɗe wawo ɗe wadzaɗe wa zamani wale, na uv̄andre wa shiuɓinadamu Kristi alawa hari mwa ikaɓila yawo, waye Monyewe uju na zitrongo piya, Mungu naɓarikishihe daima. Amina.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 1:6

Na tsena, uv̄eleha yahe umudzalwa wa handra uwo ulemenguni, arongoa: «Piya zimalayika za Mungu nazimuãɓudu.»

MAHEƁRANIYA 1:8

Ɓadi uhusu uMwana arongoa: «Shiri ya yezi yaho, wawe Mungu, iyo ya daima, na itsimbo ya utawalizi waho, iyo tsimbo ya haki.

MAHEƁRANIYA 13:8

Insa-Kristi a ɗe waye-waye, jana, leo, na daima.

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.