MAFILIPI 2:5 - Ha`bari Ndjema ya I Maore

⁵ Namukane wanyu na wanyu inamuna Kristi-Insa akanayo:

MAFILIPI 2:5 Iomraidhean Croise

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

LUKASI 22:27

Mana uv̄i ɗe umuɓole? Ɗe ule aketsi mezaju, au ɗe ule ayelesheao? Hali tsi ɗe ule aketsi mezaju? Na wami tsa hari mwanyu amba ɗe mutru arumishiao.

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 20:35

Hari mwa piyazo tsimuonesani amba ha udziruma namuna ini ɗe ralazimu risaidiye wao kawasudzishindra, na unahana yamarongozi ya Raɓi Insa ayarongoa waye ha waye: ‹Uv̄a ina furaha zaidi rahana upara.› »

MAROMU 14:15

Neka ha siɓaɓu ya shahula usutria utungu roho ya mwananya muaminifu, v̄av̄o kusuɗunga tsena indzia ya mahaɓa. Usutsonge ha ishahula yaho uangamifu wa uwo alio amba Kristi afu ha umukomboa.

MAROMU 15:3

Mana Kristi waye kadzijiv̄idza iwaye yahe, ɓadi mauri ɗe iheli yaangihwa moni na uMuangishio: «Maruhano ya wao wahuruhanao, yanipara ɗe wami.»

MAROMU 15:5

Ɓasi Mungu Monyewe suɓira na ɓari namudjaãliyeni muke nia moja hari mwanyu, mufano wa Kristi-Insa,

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

1 MONYE 2:21

Na ha iyo ɗe mwahirwa, mana Kristi wajau ne aondesheha ha umufayidishani, amulishiani mufano, ile muɗunge yimirohoro yahe:

1 MONYE 4:1

Ɓasi ha izo, iv̄o Kristi aondesheha mwilini, wanyu wajau namusike fikira ɗe wiyo-wiyo; mana mutru aondesheha mwilini, katawaliwa tsena na dhambi,

1 YUHANI 2:6

ɗe amba uwo arongoao amba a hari mwa uv̄umoja na waye, alazimu adziv̄inge mauri ɗe inamuna waye adziv̄inga.