MAFILIPI 2:30 - Ha`bari Ndjema ya I Maore

³⁰ mana ɗe ha siɓaɓu ya urumishi wa Kristi ɗe aka kariɓu na ufa. Ahatwarisha uhayati wahe ha urenga liɓandza lanyu la utsimidza urumishi hanguju, urumishi ulio amba wanyu wenyewe kamwakojua mwaniv̄ingia.

MAFILIPI 2:30 Iomraidhean Croise

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAROMU 16:4

Wahatwarisha inafusi yawo ha siɓaɓu ya wami. Tsi wami weke niwav̄osheleao marahaɓa, ɓadi piya ziDjama Ndziwaminifu za zinishani zangina wajau.

1 MAKORINTIYO 15:53

Kweli amba ilazimu ndziangamia ipindre itsindziangamia, na ndzifa ipindre itsindzifa.

1 MAKORINTIYO 16:10

Timutausu amowaswili oho, namumurenge ha uzuri ha namuna amba asutaãɓihe, mana waye ufanya mauri ɗe wami hazi ya umurumishia Raɓi.

1 MAKORINTIYO 16:17

Nisujiv̄iwa na umujilio wa Stefanasi, wa Fortunatusa, na wa Akayikusa. Warenge ɓandza lanyu iv̄o kamwaka.

2 MAKORINTIYO 12:15

Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?

2 MAKORINTIYO 4:12

Ha izo, moni hatru ufa ɗe urendrao, ɓadi moni hanyu, ɗe uhayati.

MAFILIPI 2:17

Ɓadi ata wala ukana idamu yangu isujotsomolwa amba kafara hari mwa lisadaka la urumishi wa uaminifu wanyu, ne nisufurahi nayo, tsena nisufurahi v̄umoja na wanyu piyanyu.

MAFILIPI 2:27

Kweli amba akokodza, ata aka kariɓu na ufa. Ɓadi Mungu akana poreho na waye, wala tsi na waye tu, ɓadi na wami wajau, ile nasukane huzuni uju na huzuni.

MAFILIPI 4:10

Tsifurahi ha kusudi hari mwa uv̄umoja wangu na Raɓi iv̄o naona amba univ̄endza yanyu mwisoni v̄anu irudi itsanga. Univ̄endza iyo mukanayo ha uzuri, ɓadi nafasi ɗe yaka yamukoseani.

MAFILIPI 4:18

Tsipara piya, ata ha uzidishiha. Tsitoshea iv̄o napara ha Eɓafroditi izo zalawa hanyu, mauri marashi yendza harufu ndzuzuri, sadaka likuɓaliwao na Mungu, tsena limujiv̄iao.

FILIMUNA 1:13

Natsov̄endza aɓaki na wami anirumishiye ɓadala ya wawe, v̄anu nilio hari mwa silisili ha siɓaɓu ya iIndjili.

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.