MAFILIPI 2:29 - Ha`bari Ndjema ya I Maore

²⁹ Namumurenge hari mwa uv̄umoja na Raɓi na furaha ndzikamilifu; namuhishimu watru mauri ɗe waye,

MAFILIPI 2:29 Iomraidhean Croise

LUKASI 9:5

Na v̄ahali yotsi itsokao amba watru kawamukariɓisani, namulawiye liɗago lile, namuv̄aruse lidjifu la yimindru yanyu, ike ushahidi kinyume na wao ha izo wafanya.»

YUHANI 13:20

Kweli, nisumuambiani ha kweli, monyewe urenga mutru namuv̄eleha, uwo asunirenga ɗe wami; na monyewe unirenga, asurenga Uwo aniv̄eleha.»

MAV̄INGIZI-RISALA 2:46

Ha djitihadi na nia moja, kula suku wakongulidzana moni na iNyumba Ndzitwaharifu; wakokutrua madipe malagoni hawo na uɗya zahula zawo ha furaha na umo warahara.

MAV̄INGIZI-RISALA 28:10

Wariv̄a sheo ha uwengi, tsena wakati rakolawa, waritamania izo zaka zarilazimu.

MAV̄INGIZI-RISALA 8:8

Furaha ɓole ɗe yaka ɗagoni v̄ale.

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

MAROMU 16:2

ile mumurenge ha lidzina la Raɓi, namuna ilio amba istahiki watwaharifu. Namumusaidiye hari mwa kula trongo ilio amba atsotsaha musada wanyu. Mana waye asaidi wengi, ata wami ne anisaidi.

1 MAKORINTIYO 16:10

Timutausu amowaswili oho, namumurenge ha uzuri ha namuna amba asutaãɓihe, mana waye ufanya mauri ɗe wami hazi ya umurumishia Raɓi.

1 MAKORINTIYO 16:18

Mana watrulidza roho yangu, v̄umoja na yanyu. Ɓasi namuv̄e mastaha watru mauri ɗe wao.

2 MAKORINTIYO 10:18

Mana tsi ɗe ule adzisifuo ɗe akuɓalishihao, ɓadi ɗe ule Raɓi amusifuo.

2 MAKORINTIYO 7:2

Namuriv̄e ɓandza rohoni hanyu. Karakosa mutru atsokao yotsi, karadhulumu mutru atsokao yotsi, wala karaɗanganya mutru atsokao yotsi.

MAFILIPI 2:28

Ɓasi iyo ɗe imana nazidi ukana inia ya umuv̄eleha, ile mufurahi mwamomuona raha, na wami niv̄unguhe huzuni.

MAKOLOSIYA 4:10

Aristarkusa, munyangu wa shiv̄a, asumusalimuni, waye v̄umoja na Markusi, mudjamaza wa Ɓarnaɓasi. Waye uwo madza mupara malagidzo yamuhusu: amoja hanyu, namumurenge ha uzuri.

1 MATESALONIKA 5:12

Ɓasi wananya wa shi uaminifu, risumumiani, mustehi wao wadzirumao mengoni mwanyu, wamuv̄ingaoni hari mwa uv̄umoja wa Raɓi na umutahadharishani.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

3 YUHANI 1:10

Iyo ɗe imana ata amba neka nisuja, nitsoeledza zitrendrwa zahe azifanyao ha utsambadza marongozi maovu kinyume na wasi. Wala tsi ɓasi tu, ɓadi waye-waye kasurenga wananya wa uaminifu, na wao watsahao wawarenge, ne asuwaɓalidza, tsena asuwaĩdzia hari mwa iDjama Ndziwaminifu.