MAFILIPI 1:7 - Ha`bari Ndjema ya I Maore

⁷ Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

MAFILIPI 1:7 Iomraidhean Croise

MAV̄INGIZI-RISALA 20:23

Nisujua tu amba ɗago ha ɗago, iRoho Ndzitwaharifu isunifahamisha amba zifungo na matungu ɗe zinilindrao.

MAV̄INGIZI-RISALA 21:33

Ɓasi v̄ale shitswa wa yamadjeshi aja amusiki Ɓaulusu, amwesa aãmurisha afungwe silisili mbili. Ɓaanda ya v̄ale adzisa amba waye mbani na trini ɗe aifanya.

1 MAKORINTIYO 13:7

uswamihi piya, uamini piya, utumaini piya, ustahamili piya.

1 MAKORINTIYO 9:23

Nisufanya piya zini ha siɓaɓu ya iIndjili, ile nipare fungu hari mwayo.

2 MAKORINTIYO 3:2

Wanyu ɗe mulio ɓarua latru, laangihwa rohoni hatru, lijulihwanao, tsena lisomwao na piya watru.

2 MAKORINTIYO 7:3

Wala tsi ha umunamuani ɗe nirongoao trongo zini, mana madza tsiirongoa amba mwa rohoni hatru rangu duniani ata ufaju.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

MAEFESO 4:1

Ɓasi nisumutriani ɓari, wami nilio mufungwa ha siɓaɓu ya urumishi wangu ha Raɓi, mukane maendreleo yastahiki umuhirio mwaupara,

MAEFESO 6:20

ilio amba ha wiyo tsa wakala hari mwa silisili, ile pare niijudze ha uhodari, mauri ɗe inamuna yalazimu.

MAFILIPI 1:12

Nisutsaha mujuwe, wananyangu, amba izo zanipara, ha kinyume zitsongesha umuendreleo-mbeli wa iIndjili.

MAFILIPI 1:13

Kweli amba moni na piya lidjumba la umuɓole wa isirikali, mauri ɗe hari mwa piya yimikaɓala yangina, iv̄enuha amba tsa hari mwa zifungo za silisili ha siɓaɓu ya Kristi.

MAFILIPI 1:14

Ha zifungo za silisili zangu ɗe uwengi wa wananya wa shi uaminifu wangia ɓari hari mwa uv̄umoja wawo na Raɓi, ata wasuɓutuo wajudze Urongozi wa Mungu ɓila trisidzo.

MAFILIPI 1:5

ha siɓaɓu ya lifuvu mulirengao hari mwa iIndjili rangu isuku ya handra ata leo.

MAFILIPI 2:22

Ɓadi musujua martaɓa yahe, namuna afanya hazi na wami mauri mwana na ɓaɓahe, ha uendresa mbeli iIndjili.

MAFILIPI 4:14

Ɓadi mufanya ndjema iv̄o mwarenga fuvu hari mwa usongefu wangu.

MAFILIPI 4:15

Na wanyu musuijua, Mafilipi, amba hari mwa umwandro wa umujudzio wa iIndjili, ulawa yangu Makadoniya, kav̄waka ata Djama Ndziwaminifu moja yaka na wami hari mwa trongo ya uv̄a na upara neka tsi ɗe wanyu.

MAFILIPI 4:3

Na wawe wajau munyangu muaminifu, nisuhumia usaidi wananyatru watruwashe wao walio amba wawania iIndjili v̄umoja na wami, na v̄umoja na Klementusu na washangirizi wangu wasalia, walio amba madzina yawo ya moni na ishio ya uhayati.

MAKOLOSIYA 4:18

Salamu la umuhono wangu wami Ɓaulusu tsilini. Namunahane zifungo za silisili zangu. Urehema naumuendreleyeni.

MAKOLOSIYA 4:3

Namurimiliye wasi wajau, ile Mungu ariɓuliye mulongo wa ujudza Urongozi wa iãdjaɓu yahusu Kristi, ilio amba ha siɓaɓu ya wiyo ɗe nafungwa.

1 MATESALONIKA 5:5

Mana piyanyu mwa wana wa iheu na wana wa mutsana. Wasi karisi wa uku, wala wa shidza.

2 TIMUTAUSU 1:8

Ɓasi usuone haya umulawia ushahidi Raɓi watru, wala wami nilio mufungwa ha siɓaɓu ya waye, ɓadi ondesheha v̄umoja na wami ha tanafu ya iIndjili, ha ushindzi wa Mungu.

2 TIMUTAUSU 2:9

Ha wiyo nisuondesheha, ata tsifungwa mauri murendrezi-mbovu. Ɓadi urongozi wa Mungu kawafungwa.

FILIMUNA 1:13

Natsov̄endza aɓaki na wami anirumishiye ɓadala ya wawe, v̄anu nilio hari mwa silisili ha siɓaɓu ya iIndjili.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

2 MONYE 1:13

Nisuona amba iyo haki ya wami, wakati raha nilio hari mwa inyumba ya haima ini, nitsotse fahamu lanyu ha umunahanidzani trongo zizo,

1 YUHANI 3:14

Wasi risujua amba rilawa ufaju, ringia hari mwa uhayati, rangu riv̄endzao uwananya wa shi uaminifu. Uwo kasuv̄endza, uɓaki ufaju.