MAFILIPI 1:11 - Ha`bari Ndjema ya I Maore

¹¹ amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 1:11 Iomraidhean Croise

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

YUHANI 15:8

Tsini itrongo iv̄ingao utukufu ha Ɓaɓangu, ɗe wanyu uv̄inga mavuna ha uwengi, na v̄av̄o mutsodhiɓitisha amba wanyu maswihaɓa yangu.

MAROMU 15:28

Wakati nitsomalidzao itrongo iyo, tsitakaɓadhi mutsango uwo mihononi hawo, nitsolawa nendre Espanya ha uv̄iria hanyu.

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

1 MAKORINTIYO 10:31

Ha izo, mwamoɗya, au mwamonwa, au tsena yotsi muifanyao, namufanye piya ha utukufu wa Mungu.

2 MAKORINTIYO 9:10

Na Monyewe uv̄a mbeu umutaɓizi na dipe amba shahula atsomuv̄ani ha uwengi mbeu, tsena atsoengedza yamavuna ya uhaki wanyu.

MAEFESO 1:12

amba rike siɓaɓu ya umusifio wa utukufu wahe, wasi rahetsi tama yatru ha Kristi kadimu.

MAEFESO 1:14

Iyo ɗe ilio fungu la handra la umwaratha watru, ata ukamilishihe ukombofu wa wao adzipariawo, ha umusifio wa utukufu wahe.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 5:9

mana mavuna ya heu ɗe kula uwema, uhaki na ukweli.

MAFILIPI 4:17

Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

2 MATESALONIKA 1:12

V̄av̄o lidzina la Raɓi watru Insa litsotukuziha hanyuju, na wanyu haheju, ha ulingana na irehema ya Mungu watru na ya Raɓi Insa-Kristi.

TITUSA 3:14

Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.

MAHEƁRANIYA 12:11

Kweli amba murudio yotsi kauonehana mwandroni amba trongo ya furaha, ɓadi ya huzuni. Ɓadi mbeli-mbeli oho ɗe uv̄ao wao wakoupara mavuna ya amani, ne ɗe uhaki.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.