MAFILIPI 1:10 - Ha`bari Ndjema ya I Maore

¹⁰ pare mujuwe mutsahuwe ilio mahususu, tsena muke wa kweli ɓila tuhuma isuku ya umuregeo wa Kristi,

MAFILIPI 1:10 Iomraidhean Croise

MATIYO 16:23

Ɓadi Insa azingi, amuambia Monye: «Nilawiye mbeli zangu v̄anu Shetwani! Usutsaha unikwalise! Mana fikira zaho tsi ɗe za Mungu, ɓadi za wanadamu.»

MATIYO 26:33

Sa ile Monye arenge umurongo, amuambia: «Neka amba wawe utsoka siɓaɓu ya piya wakwale na uaminifu wawo, hangu ata idahari ne tsitsokwala.»

YUHANI 1:47

Wakati Insa amuona Natanaeli iv̄o akomujilia, arongoa ju lahe: «Tsunu Muisraila wa kweli, alio amba haheju kav̄u udjandja.»

YUHANI 3:20

Mana kula arendrao mbovu, uenga inuru, amwesa kajilia inuru, ha uria zitrendro zahe zaja zajulihwana.

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 12:9

Uv̄endza yanyu naike ya kweli, ɓadi tsi ya unafiki. Namuenge uovu, musike hodari uwema.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

MAROMU 2:18

ujuao yamav̄endzeleo yahe na utafautishao indjema iv̄o wasomedzewa na iSharia,

MAROMU 7:16

Neka iyo niifanyao ɗe ile tsisutsaha, v̄av̄o tsikuɓali amba Sharia, iyo ndjema.

MAROMU 7:22

Mana moni na umo wangu, wami ujiv̄iwa na iSharia ya Mungu.

MAROMU 8:7

Fikira za ihali ya shiuɓinadamu, izo uwana kinyume na za shi Mungu, mana monyewe ukanazo katuĩ iSharia ya Mungu, wala kashindri ata hata uituĩ.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MAKORINTIYO 10:32

Musuke siɓaɓu ya ukwalisa, tsi ha Magiriki, wala tsi ha Mayahudi, wala tsi ha iDjama Ndziwaminifu ya Mungu,

1 MAKORINTIYO 8:13

Iyo ɗe imana ata neka shahula isukwalisa umwananya muaminifu wangu, tsisina tsena suku nitsoɗyao nyama, pare nasukwalise mwananyangu.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 6:3

Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa.

2 MAKORINTIYO 8:8

Wala tsisurongoa iyo amba ãmuri, ɓadi ha uvumbua idjitihadi ya wasalia, nisumuv̄ani ifurswa ya udhiɓitisha ukweli wa uv̄endza yanyu.

MAGALATWIYA 5:11

Na wami uv̄andre wangu wananyangu, na djeli amba nakoĩdhia raha utahiriwa, manatrini ata nitsotreswao raha? V̄av̄o itsoka amba isiɓaɓu ya ukwalisa ilio hari mwaumuri wa pawa|muri wa pawa, kaitsoka tsena.

MAEFESO 4:15

Ɓadi ha urongoa ikweli ha mahaɓa, ritsohua hari mwa piya zitrongo ha ukaɓili inamuna ya ule alio ishitswa, ne ɗe Kristi.

MAEFESO 5:10

Namutsahe mujuwe zimujiv̄iao Raɓi;

MAEFESO 5:27

pare adzielesheye waye monyewe iDjama Ndziwaminifu ndzitukufu iyo kaina pandra ɓila mufiro, wala itsokao yotsi mufano wazo, ɓadi ndzitwaharifu kaina kosa.

MAEFESO 6:24

Urehema nauendreleye ha piya wamuv̄endzao Raɓi watru Insa-Kristi ha uv̄endza kaukomo.

MAFILIPI 1:16

Wao wasuifanya ha mahaɓa, iv̄o wajuao amba tsa v̄anu ha uwania iIndjili.

MAFILIPI 1:6

Tsina yakini na itrongo ini, amba Monyewe uandrisa hazi ndzuzuri iyo moni hanyu, atsoendrelea ha uikamilisha mupaka isuku ya umuregeo wa Kristi-Insa.

MAFILIPI 2:16

ha uv̄inga urongozi wa uhayati. V̄av̄o nitsojua nidziɓuwe isuku ya Kristi, amba mbio zangu kazaka za ɓanaraju, na izo nadziruma nazo, tsi amba kazina mana.

1 MATESALONIKA 3:13

Nahodarishe roho zanyu ile zike ɓila tuhuma hari mwa utwaharifu mbeli za Mungu watru amma Ɓaɓa, wakati wa umujilio wa Raɓi watru Insa v̄umoja na piya watwaharifu wahe.

1 MATESALONIKA 5:21

ɓadi namutwaliye piya zitrongo, musike zilio ndjema.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

MUV̄ENULIO 2:2

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.