MAEFESO 4:9 - Ha`bari Ndjema ya I Maore

⁹ Na v̄anu, mana yahe trini amba «uhea yahe», neka tsi amba ashuku wajau hari mwa yimikaɓala ya utsini shiv̄andreju mwa tsi?

MAEFESO 4:9 Iomraidhean Croise

MATIYO 12:40

Mana mauri ɗe inamuna Yunusa aɓaki moni na mimba ya fi muda wa suku traru, mauku na yimitsana, ɗe inamuna uMwana wa Mwanadamu atsokao wajau moni na ishiv̄andre ya tsi muda wa suku traru, mauku na yimitsana.

YUHANI 20:17

Insa amuambia: «Usunisike, mana raha tsahea ha Ɓaɓangu. Ɓadi endra wapare wananyangu uwaambiye: ‹Nisuhea ha Ɓaɓangu, amma Ɓaɓanyu, ha Mungu wangu, amma Mungu wanyu.› »

YUHANI 3:13

Kav̄u mutru ahea pev̄oni neka tsi ɗe uwo ashuka ulawa pev̄oni, ne ɗe uMwana wa Mwanadamu|Mwana wa Mwanadamu.

YUHANI 6:33

Mana lidipe la Mungu ɗe uwo ashukao ha ulawa pev̄oni, av̄e uhayati ulemengu.»

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

YUHANI 6:41

Ɓas, v̄ale Mayahudi yakonguruma ju la Insa iv̄o aka arongoa: «Wami ɗe lidipe lashuka ulawa pev̄oni.»

YUHANI 6:51

Wami ɗe lidipe lilio hayi lashuka ulawa pev̄oni. Neka mutru asuɗya lidipe lini, atsoẽshi dahari. Na lidipe nitsoliv̄ao, ɗe umwili wangu nitsouv̄ao, pare lidunia likane uhayati.»

YUHANI 6:58

Lini ɗe lidipe lashuka ulawa pev̄oni. Kalisi mauri ɗe lile maɓaɓanyu waliɗya, wafa. Uwo aɗyao dipe lini, atsoẽshi dahari.»

YUHANI 6:62

Ɓasi mutsoka jeje mwamoona uMwana wa Mwanadamu asuhea v̄ahanu aka mwandroni?

YUHANI 8:14

Insa awadjiɓu: «Wala ukana amba nisudzilawia ushahidi monyewe, ushahidi wangu wa kweli, mana nisujua v̄ahali nala na v̄ahanu nendrao. Ɓadi wanyu kamusujua v̄ahali nala, wala v̄ahanu nendrao.

MAHEƁRANIYA 2:7

Hari mwa muda mushashi, umufanya utsini mwa zimalayika; umukadza kemba ya utukufu na hishima,

MAHEƁRANIYA 2:9

Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.