MAEFESO 4:12 - Ha`bari Ndjema ya I Maore

¹² ile watwaharifu watayarishihe ha ihazi ya urumishi, pare umwili wa Kristi uundrishihe,

MAEFESO 4:12 Iomraidhean Croise

LUKASI 22:32

Ɓadi tsihumilia Mungu, ile uaminifu waho usupuhe ɓari. Na wawe, wakati itsokao amba uniregea, hodarisha wanyaho.»

MAV̄INGIZI-RISALA 1:17

Aka shikao moja na wasi, amwesa akana lifungu lahe hari mwa urumishi watru unu.»

MAV̄INGIZI-RISALA 1:25

ile pare arenge fungu hari mwa uurumishi wa uv̄inga iRisala, ɓandza Yudasi alilisha andra hari mwa lahe lamulazimu.»

MAV̄INGIZI-RISALA 11:23

Uwaswili yahe ata aona ineema ya Mungu, afurahi, tsena awatria ɓari piyawo wasike ha umo muhodari uaminifu wawo na Raɓi.

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 9:31

Wakati ule iDjama Ndziwaminifu hari mwa piya iYudeya, iGalilaya na iSamariya ika hari mwa amani. Yakohodarishiha na uẽshi ha umutuĩ Mola, tsena yakoengedzeha ha umusada wa iRoho Ndzitwaharifu.

MAROMU 12:5

Ɗe ha inamuna iyo wajau wasi rilio wengi, ra mwili moja ha uv̄umoja watru na Kristi, iv̄o piyasi rilio ziga kula moja ha wanyahe.

MAROMU 12:7

Uwo adjaãliwa ineema ya urumishi, narumishiye, na uwo alio amba ya usomedza, nasomedze.

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 15:2

Kula moja hari mwasi najiv̄idze munyawe ha indjema, ile pare ahodarishihe.

MAROMU 15:29

Na wami nisujua amba namoja nimuoneneni, nitsoja v̄umoja na ɓaraka ndzikamilifu ya Kristi.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

1 MAKORINTIYO 12:7

Kula mutru udjaãliwa ãlama ionehanao ya umukayo wa iRoho, ha faida ya djimla.

1 MAKORINTIYO 14:12

Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

1 MAKORINTIYO 14:14

Mana namofanya mamilio ha luha yashukidziwa, v̄av̄o roho yangu ya hari mwa mamilio, ɓadi ifikira kaidza.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

2 MAKORINTIYO 12:19

V̄av̄o ukiri uka amba wakati unu piya musufikiri amba risudzidifaĩ mbeli zanyu. Ɗe mbeli za Mungu hari mwa uv̄umoja na Kristi ɗe rilaguao. Na piya izo wav̄endzewa, ɗe ha umuhodarishani.

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

2 MAKORINTIYO 13:9

Wasi ufurahi ramoka walemevu, wakati ikao amba wanyu mwa wahodari; ɓasi mamilio yatru ɗe wanyu ukamilishiha, mwasukane kosa.

2 MAKORINTIYO 3:8

ha namuna jeje urumishi wahusu iRoho kautsozidi utukufu?

2 MAKORINTIYO 4:1

Ha izo, iv̄o riliona urumishi uwo ha urehema radjaãliwawo, karisupuha ɓari.

2 MAKORINTIYO 5:18

Na piya ulawa ha Mungu, alio amba ariparanisa na waye ha ndzia ya Kristi, tsena aridhwaminisha urumishi wa umuparanisio.

2 MAKORINTIYO 6:3

Wasi karisuv̄a ata mutru siɓaɓu itsokao yotsi ya umukwalisa, pare ihazi ya urumishi yatru yasuparihwane na kosa.

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

MAEFESO 1:23

ilio mwili wahe, ukamilifu wa Uwo akamilishao piya ha kula namuna.

MAEFESO 4:16

Ɗe ha waye ɗe umwili piya ha ukamilifu wawo waungatsiha na ufungiha hodari ha piya zifungo zilio moni mwawo. Ha izo, neka kula shiga isufanya ihazi yayo heli yalazimu, ɓasi piya umwili uhua na uhodarishiha hari mwa mahaɓa.

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

MAKOLOSIYA 1:28

Waye uwo ɗe rijudzao, ha ufahamisha kula shiumbe mwanadamu na usomedza kula shiumbe mwanadamu ha piya zihikima, ile riv̄inge kula mutru akamilishihe hari mwa uv̄umoja na Kristi.

MAKOLOSIYA 4:17

Namuambiye Arkiɓusa: «Dzifahamishe na urumishi waupara ulawa ha Raɓi, pare uutsimidze.»

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

2 TIMUTAUSU 4:11

Lukasi weke ɗe alio na wami. Murenge Markusi, umuv̄inge v̄umoja na wawe, mana waye unifayi ha kusudi hari mwa ihazi.

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

MAHEƁRANIYA 6:1

Ha izo, narilawe hari mwa ziharufu za handra za umusomo wahusu Kristi, ritsengeleye ata hari mwa ukamilifu wa umusomo, wala tsi ha utria misingi raha: ɗe uendra toɓa ha zitrendrwa mbovu ziv̄ingao hari mwa ufa, uaminifu na Mungu,