MAEFESO 2:3 - Ha`bari Ndjema ya I Maore

³ Na wasi piyasi wajau rika hari mwa ihisaɓu yawo, tsena rakoɗunga zingushauku za shiuɓinadamu zatru, rakofanya mav̄endzeleo ya yimili yatru na ya zifikira zatru; tsena ha ihali ya shiuɓinadamu yatru, rika ristahiki ihadhaɓu, mauri ɗe wasalia.

MAEFESO 2:3 Iomraidhean Croise

MARKUSI 4:19

ɓadi mifikirisho ya lidunia lini na ushauku wa utadjirifu udanganyao, iv̄o na ngushauku zasalia za kula namuna, izo uɓala pumu urongozi wa Mungu, ata uwo kautoa mavuna.

YUHANI 1:13

walio amba wadzalwa tsi ha shimwanadamu, wala tsi ha shahawa ya umwili, wala tsi ha yamav̄endzeleo ya mwanadamu, ɓadi wadzalwa ha iwaye yahe Mungu.

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MAV̄INGIZI-RISALA 14:16

Zama zav̄ira aka alishi piya zinishani ziɗunge zindzia zazo.

MAROMU 1:24

Iyo ɗe imana ata Mungu awajeledza hari mwa utshafi walingana na zingushauku za umo wawo, ha namuna amba wasupatsa aĩɓu wao wanyewe yimili yawo.

MAROMU 11:30

Mara ya handra, wanyu kamwakotuĩ Mungu, na av̄asa ha iv̄o kawatuĩ, wanyu mupara urehema wahe;

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAROMU 2:14

Ha mufano, neka watru wa zinishani zangina kawaji iSharia wasufanya ha ãswili izo zarongolwa na iSharia, v̄av̄o wasuonesa amba wa hari mwa sharia, wala ukana kawaji iSharia.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 5:9

Ɓasi av̄asa ha iv̄o rahakishiha mbeli za Mungu ha idamu ya Kristi, izidi urahara amba atsorikomboa na hadhaɓu za Mungu.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MAROMU 7:18

Nisujua amba kav̄u ndjema ilio moni hangu, yaãni v̄av̄o, hari mwa ihali ya shiuɓinadamu yangu. Kweli amba inia ya ufanya ndjema ya v̄av̄o, ɓadi ushindzi wa uifanya ɗe kav̄u.

MAROMU 9:22

Ɓasi neka Mungu utsaha yahe aonese hadhaɓu zahe na ujudza ushindzi wahe, astahamili ha suɓira ɓole ziya za hadhaɓu zatayarishiwa uangamifu?

1 MAKORINTIYO 4:7

Mana mbani ɗe ahutafautishao? Trini ɗe ulionayo amba kwav̄olwayo? Na neka uv̄olwayo, manatrini udzisifuo mauri kwav̄olwayo?

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

MAGALATWIYA 3:22

Ɓadi uMuangishio urongoa amba ulemengu piya uɓaliwa hari mwa madhambi, ile uwahadi udjaãliwe, ha uaminifu na Insa-Kristi, ha wao waaminio.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAKOLOSIYA 1:21

Na wanyu mulio amba nyumeni hule muka mutengeha, tsena muka maãduwi ha zifikira zanyu na zitrendrwa mbovu zanyu,

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

1 MATESALONIKA 5:6

Ɓasi ha izo, rasulale mauri wasalia, ɓadi narishese, tsena rike wazima.

1 TIMUTAUSU 6:9

Ɓadi wao watsahao watadjirihe upuliha hari mwa madjereɓio, wao usikwa hari mwa utra na hari mwa ngushauku ndzijinga zendza hatwari ha uwengi, zitriao watru hari mwa uangamifu na hasara.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

1 MONYE 1:14

Mauri wana watuĩvu, mwasudzilishe mwatawaliwa na zingushauku mwakanazo nyumeni hule, wakati raha kamwakana ujuzi.

2 MONYE 2:14

Matso yawo yajaya uzindzi, wao kawakura maãswi. Wao usika hari mwa utra wale kawasi wahodari fikirani. Roho zawo hodari hari mwa uv̄endza upara. Wao malaãnifu!

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

1 YUHANI 2:16

Mana kula ilio duniani, mauri ngushauku mbovu za shimwili, utumainivu wa matso, na udzifaharisha na mali, izo piya kazilawa ha Ɓaɓa, ɓadi ha lidunia.

1 YUHANI 2:8

Ata wala ukana, ini ãmuri pia ɗe nimuangishiaoni, trongo ilio kweli haheju, amwesa na hanyu, mana ishidza isulawa, na iheu ya kweli madza isuwala.