MAEFESO 1:7 - Ha`bari Ndjema ya I Maore

⁷ Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAEFESO 1:7 Iomraidhean Croise

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

MATIYO 26:28

mana ini ɗe idamu yangu idhiɓitishao umukataɓa, damu yendrao yatrihe ha faida ya watru wengi, ile wapare muswamaha wa madhambi.

MATIYO 6:12

Riswamihi mahosa yatru, mauri ɗe wasi wajau, heli riswamihio wao warikosa.

MARKUSI 14:24

Awaambia: «Ini ɗe idamu yangu idhiɓitishao umukataɓa wa muparano, damu yendrao yatrihe ya watru wengi.

LUKASI 1:77

ile ajudze umati wahe uhuyifu wawo ha umuswamaha wa madhambi yawo,

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

YUHANI 20:23

Wao mutsowaswamihio yamadhambi, watsoswamihiwawo; na wao kamutsowaswamihiwo, kawatsoswamihiwa madhambi yawo.»

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 3:19

Ɓasi namwendre toɓa, muparane na Mungu, ile madhambi yanyu yazimwe,

MAROMU 2:4

Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

MAROMU 3:24

Ɓadi ha ineema yahe, Mungu awadjaãlia muhakisho mbeli zahe, ɓila muliv̄io, ha ndzia ya ukombofu ulio ha Insa-Kristi.

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.

MAROMU 9:23

Au tsena, neka atsaha aonese utadjirifu wa utukufu wahe ha ziziya za urehema azitayarisha rangu kaɓula amba zike za utukufu?

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

MAEFESO 1:14

Iyo ɗe ilio fungu la handra la umwaratha watru, ata ukamilishihe ukombofu wa wao adzipariawo, ha umusifio wa utukufu wahe.

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAEFESO 1:8

ulio amba arieneseawo ha uwengi hari mwa piya zihikima na zingujuzi.

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAFILIPI 4:19

Mwalangu Mungu atsomudjaãliani kula yamukoseani, ha utadjiri mutukufu wahe ha Kristi-Insa.

MAKOLOSIYA 1:14

alio amba haheju rina ukombofu, ne ɗe umuswamaha wa yamadhambi.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 2:13

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru;

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

TITUSA 3:6

ilio amba arienedzayo ha uwengi ha ndzia ya Insa-Kristi, Muhuyifu watru,

MAHEƁRANIYA 9:22

Ne ɗe ulawana na iSharia, wengi wa zitru utwaharishiwa ha damu, na neka kav̄watriha damu, v̄av̄o kav̄u muswamaha.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 YUHANI 2:12

Nisumuangishiani wana wangu, mana madhambi yanyu yaswamihiwa ha siɓaɓu ya lidzina lahe.

1 YUHANI 2:2

Waye-waye ɗe lisadaka liripariao muswamaha madhambi yatru, wala tsi ɗe yatru tu ɓasi, ɓadi wajau na ya ulemengu kamili.

1 YUHANI 4:10

Na iuv̄endza, iyo tsi amba wasi rimuv̄endze Mungu, ɓadi amba waye ariv̄endze, tsena av̄eleha Mwana wahe ake sadaka liripariao swamaha la madhambi yatru.

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.