MAEFESO 1:10 - Ha`bari Ndjema ya I Maore

¹⁰ ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MAEFESO 1:10 Iomraidhean Croise

MATIYO 25:32

V̄av̄o piya zinishani zitsongulidziwa mbeli zahe. Wakati uwo atsoɓausa watru, mauri mutsunga atengao yamaɓariɓari na zimbuzi.

MARKUSI 1:15

Akorongoa: «Wakati wahetsiwa upara, Utawalizi wa Mungu ukuruɓia! Namwendre toɓa, tsena muamini iHaɓari Ndjema!»

1 MAKORINTIYO 10:11

Na trongo zizo ziwav̄iria ile zike mufano, tsena ziangihwa pare zirifahamishe, wasi rawaswiliwa na uwakati wa mwiso.

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

MAEFESO 1:22

Atria piya utsini na yimindru yahe, tsena amuv̄a ake Shitswa uju mwa piya ha iDjama Ndziwaminifu

MAEFESO 2:15

Azimi hatwi iSharia na ziãmuri zayo na masharutwi yazo, ile hari mwa uv̄umoja na iwaye yahe, afanye amba waili wale wake mutru moja muv̄ia ha ujisa iamani,

MAEFESO 3:15

Monyewe alio amba kula udjama rangu mbinguni ata shiv̄andreju mwa tsi, iãswili yawo ulawa hahe.

MAEFESO 3:2

neka amba mwaparokia anga urumishi Mungu anidjaãliawo ha irehema yahe, amba niufanye ha tanafu yanyu.

MAKOLOSIYA 1:16

Mana ha iwaye ɗe piya zaumbwa, rangu mbinguni ata shiv̄andreju mwa tsi, zionehanao na izo kazionehana, neka zingufalume, au izo ziliona uhu, au zingutawalizi, au na ziyezi. Piya ziumbwa ha ndzia yahe na ha siɓaɓu waye.

MAKOLOSIYA 1:20

tsena ha waye aparanise piya na iwaye yahe, rangu za shiv̄andreju mwa tsi, ata za mbinguni, ha utria amani ha idamu yahe yatriha hari mwa umuri wa pawa|muri wa pawa.

MAKOLOSIYA 3:11

V̄anu kav̄u Mugiriki ɓila Muyahudi, mutahiriwa|utahiri au katahiriwa, mushendzi ɓila mumatsaha, murumwa ɓila munafasina, ɓadi Kristi ɗe alio piya, tsena ha piya.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

MAHEƁRANIYA 11:40

iv̄o Mungu aka ariãzimia trongo ndjema zaidi, ile wasupare ukamilifu ɓila wasi.

MAHEƁRANIYA 9:10

Yao masharutwi ya shimwili yaãzimishao tu uɗya na unwa, v̄umoja na tafauti za utwaharisha, zaka zahetsiwa ata uwakati trongo zakoja zigaudziwe zike pia.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.