MAEFESO 1:1 - Ha`bari Ndjema ya I Maore

¹ Wami Ɓaulusu, Muv̄ingizi-Risala wa Kristi-Insa ha mav̄endzeleo ya Mungu, nisuangishia watwaharifu amma waaminifu hari mwa uv̄umoja na Kristi-Insa [ɗagoni Efeso]:

MAEFESO 1:1 Iomraidhean Croise

LUKASI 16:10

Monyewe uka muaminifu hari mwa trongo ititi, waye uka muaminifu hari mwa iɓole; na mutru karahatsiha hari mwa trongo ititi, waye karahatsiha hari mwa iɓole.

MAV̄INGIZI-RISALA 16:15

Ɓaanda aɓaĩshiwa|uɓaĩsha ha maji, waye na udjama wahe, arikariɓisa ha urongoa: «Neka muniono na uaminifu na Raɓi, namungiye ɗagoni, muketsi.» Arirayi, ata rikuɓali.

MAV̄INGIZI-RISALA 18:19

Uwaswili yawo Efeso, Ɓaulusu alishi wanyahe v̄ale, angia moni na iNyumba ya Uswali, amwesa ahadisi na yaMayahudi|Mayahudi.

MAV̄INGIZI-RISALA 18:21

Awalaga ha urongoa: «[Inilazimu niv̄itse umusherehio ujao Yerusalemu.] Nitsomuregeani neka Mungu av̄endze.» Ɓas, atreke ulawa Efeso,

MAV̄INGIZI-RISALA 9:13

Ɓadi Ananiyasi amudjiɓu: «Raɓi, tsikia ha watru wengi piya uovu mutru uwo aufanya ha uwatwaharifu waho Yerusalemu.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

1 MAKORINTIYO 4:12

Risudziruma, risufanya hazi ha yimihono yatru. Ramoruhanwa, risusopelea; ramotreswa, risustahamili;

1 MAKORINTIYO 4:17

Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

2 MAKORINTIYO 1:1

Wami Ɓaulusu, Muv̄ingizi-Risala wa Kristi-Insa|Kristi ha yamav̄endzeleo ya Mungu, na umwananya wa shi uaminifu Timutausu, risumuangishiani wanyu iDjama Ndziwaminifu ya Mungu ilio Korintiyo, v̄umoja na piya maaminifu walio hari mwa iAkaya|Akaya kamili.

MAGALATWIYA 1:1

Wami Ɓaulusu, Muv̄ingizi-Risala, trongo kayalawa ha wanadamu, wala ha indzia ya mwanadamu, ɓadi ha Insa-Kristi|Insa na Mungu Ɓaɓa, amuregeza hayi ulawa ha uwafu,

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAGALATWIYA 3:9

Ha izo, wao waliona uaminifu waɓarikishiha v̄umoja na Iɓrahima, monyewe uaminifu.

MAEFESO 1:15

Iyo ɗe imana ata wami wajau, ukia yangu uaminifu wanyu na Raɓi Insa na uv̄endza yanyu mulionayo ha piya uwatwaharifu,

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 2:13

Ɓadi av̄asa, hari mwa uv̄umoja na Kristi-Insa, wanyu mwaka mbali hale hule, mukuruɓisiwa ha idamu ya Kristi.

MAEFESO 2:6

Hari mwa uv̄umoja watru na Kristi-Insa, Mungu ariregeza hayi v̄umoja na waye, tsena ariketsisa v̄umoja na waye hari mwa yimikaɓala ya pev̄oni,

MAEFESO 6:21

Ha wanyu wajau ujua inamuna nilio na iyo nifanyao, Tihikusa alio hari mwa uv̄umoja na Raɓi mwananya muv̄endzewa, tsena murumishi muaminifu, atsomujudzani piya zihaɓari.

MAKOLOSIYA 1:2

risuangishia uwatwaharifu amma wananya wa shi uaminifu wa Kolosiya walio hari mwa uv̄umoja na Kristi: Rehema na utrulivu walawa ha Ɓaɓatru Mungu nazimuendreleyeni.

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MUV̄ENULIO 2:13

Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.