2 MONYE 3:3 - Ha`bari Ndjema ya I Maore

³ Tu raɓuzi, namujuwe amba hari mwa zisuku za mwiso, v̄utsoja wafudhuli wendza madharau watsendrao ha zingushauku zawo wenyewe.

2 MONYE 3:3 Iomraidhean Croise

YUHANI 12:48

Monyewe unihara amwesa kasukuɓali marongozi yangu, ana hakimu wahe. Urongozi naujudza, ɗe utsomuhukumuo isuku ya mwiso.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

2 TIMUTAUSU 3:1

Jua amba hari mwa zisuku za mwiso, v̄utsoja nguwakati ndziro.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

2 MONYE 1:20

Kaɓula ya kula trongo, namujuwe amba kav̄usi urongozi washukidziwa hari mwa uMuangishio amba mutru ujua aueledze waye monyewe.

2 MONYE 2:10

na hususwani wao walio amba shahawa zendza tsama zawo uwav̄inga hari mwa ngushauku za shiuɓinadamu na upuzisa kula yezi. Wao watru wendza usuɓutu, tsena wadzionao. Wao kawariyi utefua ziumbe ndzitukufu za mbinguni,

1 YUHANI 2:18

Wana wangu, ini ɗe isa ya mwiso. Mauri ɗe inamuna mwakia amba v̄wa Mukanyusha-Kristi ajao, ɓasi v̄anu v̄uhimi makanyusha-Kristi wengi. V̄av̄o risujua amba ini ɗe isa ya mwiso.

YUDA 1:16

Wao watru wangurumao, waululao na inamuna yawo, tsena wav̄ingwao ha zingushauku zawo wenyewe; hanyo zawo ulagua trongo za zirusi, tsena wao usifu watru ha mupario wawo.

YUDA 1:18

Wakomuambiani amba: «Hari mwa uwakati wa mwiso, v̄utsoka wafudhuli watsendrao ha zingushauku mbovu zawo wenyewe.»