2 MONYE 3:2 - Ha`bari Ndjema ya I Maore

² pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.

2 MONYE 3:2 Iomraidhean Croise

LUKASI 1:70

mauri ɗe iheli aka airongoa ha ihanyo ya yimitrume miraharifu yahe ya zamani,

LUKASI 24:27

Ɓas, ha uandrisa na Musa na piya yimitrume, awaeledza zitrongo zaangihwa zapatana na waye moni na piya yimiangishio.

LUKASI 24:44

Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

MAV̄INGIZI-RISALA 3:18

Ɓadi ɗe ha inamuna iyo zitrongo Mungu aka azijudza rangu kaɓula ha yamarongozi ya piya yimitrume zitsimidziha, ne ɗe itrongo amba Kristi wahe aka alazimu aondeshehe.

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAGALATWIYA 6:2

Namutrihane udziro wanyu na wanyu, na v̄av̄o mutsotsimidza iSharia ya Kristi.

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

MAEFESO 3:5

Ãdjaɓu iyo kayaka yajudziwa ha wana wa wanadamu hari mwa yimida yav̄ira, mauri ɗe inamuna yav̄enulwa av̄asa na iRoho ha watwaharifu wahe, yaãni Mav̄ingizi-Risala na wao wajudzao marongozi ya shi mutrume washukidziwawo,

1 TIMUTAUSU 6:14

usike iãmuri ini ɓila pandra, wala tuhuma, ata mupaka umuv̄enulio wa Raɓi watru Insa-Kristi,

2 MONYE 2:21

Mana yatsoka ndjema hawoju amba kawajua indzia ya uhaki, rahana iv̄o waijua, amwesa wadziɓausa na iãmuri ndzitwaharifu wav̄olwayo.

2 MONYE 3:15

Namurenge amba isuɓira ya Raɓi, iyo uhuyifu wanyu, mauri ɗe inamuna umwananya muv̄endzewa watru Ɓaulusu amuangishiani wajau, ha ihikima adjaãliwayo.

2 MONYE 3:16

Iyo ɗe itrongo airongoao moni na piya maɓarua yalio amba asulagua trongo zizo. Moni v̄wawo v̄usuparihana trongo zilio ndziro za uelewa, zilio amba watru kawaji tsena tsi wahodari ugaudza imana yazo, mauri ɗe inamuna wafanyao wajau na yiMiangishio yasalia, ha uangamifu wawo wenyewe.

1 YUHANI 4:6

Wasi wa shi Mungu, na uwo amujuao Mungu, urivulishia; uwo tsi wa shi Mungu karivulishia. Ɗe ha izo ɗe rijuao iRoho ya ikweli, na iroho ya itrambo.

YUDA 1:17

Ɓadi wanyu wav̄endzewa, namunahane marongozi yatolwa rangu kaɓula na yaMav̄ingizi-Risala|Mav̄ingizi-Risala ya Raɓi watru Insa-Kristi.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»