2 MONYE 2:2 - Ha`bari Ndjema ya I Maore

² Wengi watsowaɗunga hari mwa taɓia mbovu zawo, na ha siɓaɓu ya wao, indzia ya ukweli itsonaziwa.

2 MONYE 2:2 Iomraidhean Croise

MATIYO 22:16

Wamuv̄eleshea wanazoni wawo na watru wa ishama ya Hirudu wamuambiye: «Fundi, risujua amba wawe mutru wa kweli, tsena wawe usomedza indzia ya Mungu ha uɗunga ukweli, wala kusudzifahamisha ha mutru atsokao yotsi, mana wawe kutsahua sura.

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 7:14

Ɓadi mutsala ɗe umulongo, na ndzisongefu ɗe indzia iv̄ingao hari mwa uhayati, tsena washashi ɗe wauparao.»

MARKUSI 12:14

Ɓas, waja wamuambia: «Fundi, risujua amba wawe mutru wa kweli. Wawe kudzifahamisha na mutru atsokao yotsi, mana wawe kuono mutru ha isura yahe, tsena usomedza indzia ya Mungu ha uɗunga zikweli. Hali trongo ya uliv̄a latete ha Kaiswara, iruhusiwa, au kayaruhusiwa? Irilazimu riliv̄e, au rasuliv̄e?»

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

MAV̄INGIZI-RISALA 13:10

«He wawe wajaya kula hali ya udjandja na upeu, mwana wa Iɓilisa, ãduwi wa kula ilio haki! Hali v̄anu kutsolisha upoteza zindzia zaondzoha za Mola?

MAV̄INGIZI-RISALA 14:2

Ɓadi Mayahudi wale kawaamini, wakotsotsoa watru wa zinishani zangina, wawatria ufitina rohoni kinyume na uwananya waaminifu wale.

MAV̄INGIZI-RISALA 16:17

Mutrumushe ule akoriɗunga Ɓaulusu na wasi ha ushelemedza: «Watru wao warumishi wa Mungu Monyewe Uju rahana Uju, na wao wasumujudzani indzia ya uhuyifu.»

MAV̄INGIZI-RISALA 18:26

Aandrisa urongoa ha uhodari moni na iNyumba ya Uswali. Ɓaanda Priskila na Akila wamukia, wamuv̄ingi v̄umoja na wao, amwesa wamueledza ha namuna yarahara zaidi indzia ya Mungu.

MAV̄INGIZI-RISALA 19:9

Ɓadi v̄wa wasalia waka wakaidi, wakohara uamini, tsena wakorongoa ha unayi mbeli za wanadamu iNdzia ya Raɓi. Ɓasi awaɓaushia, av̄ingi yamaswihaɓa, amwesa kula suku akosomedza hari mwa lipa la usoma la mutru akohiriwa Tiranusu.

MAV̄INGIZI-RISALA 22:4

Tsitrese ata waulawe watru wakoɗunga iNdzia ya umusomo unu; wakofungwa na utrilwa shiv̄ani, rangu watruɓaɓa ata watrumama,

MAV̄INGIZI-RISALA 24:14

Ɓadi nisuhukuɓalia amba wami umuãɓudu Mungu wa wadzaɗe watru, ha uɗunga iNdzia waihirao dini ya unafiki, tsena wami uamini piya zaangihwa moni na iSharia na yimitrume.

MAROMU 2:24

Kweli amba v̄uangihwa moni na uMuangishio: «Ha siɓaɓu ya wanyu, lidzina la Mungu lisukufuriwa na zinishani zangina.»

1 TIMUTAUSU 5:14

Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi.

TITUSA 2:5

wake waelevu, waraharifu, washahilihe na liɗago lawo, wake wema, wadzituĩse waume wawo, pare urongozi wa Mungu usukufuriwe.

TITUSA 2:8

mwendza kauli ndjema kaishindraniha, ile uwo alio kinyume ajaye haya, ata asupare mbovu itsokao yotsi arirongoa.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

2 MONYE 2:12

Ɓadi wao, mifano ya zinyama kazina ãkili tsena zahetsiwa ha ɓuumbio lawo amba zisikwe ziangamidziwe, wasutefua izo kawaziji. Ɓasi watsoangamia mauri wizo.

2 MONYE 2:15

Ɓaanda waɓauha indzia yaondzoha, wapotea ha uɗunga indzia ya Ɓalahamu, mwana wa Ɓeuri, alio amba akov̄endza shiliv̄o tsi ya haki.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

2 MONYE 2:21

Mana yatsoka ndjema hawoju amba kawajua indzia ya uhaki, rahana iv̄o waijua, amwesa wadziɓausa na iãmuri ndzitwaharifu wav̄olwayo.

2 MONYE 2:7

ɓadi neka amuhuyi Lutwi umwendza haki alio amba akosikitiha halisi na itaɓia mbovu ya makatili.

YUDA 1:10

Ɓadi watru wao wasuruhana izo kawaziji, na izo wazijuao za shiãswili, mauri zinyama kazina ãkili, izo kamwe ɗe ziwaangamidzao.

YUDA 1:15

ile afanye hukuma kinyume na piya wanadamu, na uv̄enulia uwaovu piya zitrendrwa mbovu zawo na piya marongozi ya shilihidzo maãswifu mashirikina wayarongoa kinyume na waye.»

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.

YUDA 1:7

Ɗe inamuna iyo Suduma na Gomora na yamalago madjirani yakofanya mauri yao taɓia za shahawa za peu, ha ufanya maendreleo tsi ya ãswili. Wao wa hari mwa shiv̄ondro ya moro wa dahari, na uwo mufano ha piya.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:14

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.