2 MONYE 1:4 - Ha`bari Ndjema ya I Maore

⁴ Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.

2 MONYE 1:4 Iomraidhean Croise

MAROMU 9:4

wao walio Maisraila, wafanyiha wana, waonesewa utukufu, wav̄olwa yimikataɓa, iSharia, iĩɓada, na zinguwahadi.

2 MAKORINTIYO 1:20

Mana piya zinguwahadi za Mungu, «iEwa» yazo uparihana haheju. Iyo ɗe imana wajau ata ha ndzia yahe rirongoao «iAmina», pare Mungu atukuzihe.

2 MAKORINTIYO 3:18

V̄av̄o wasi piya sura zafunukulwa, risuv̄enua mauri hari mwa shiɗo utukufu wa Raɓi. Risugaudziwa rike mufano ɗe uwo-uwo, rikane utukufu ju la utukufu, trongo ifanyiwao na Raɓi, alio amba waye ɗe iRoho.

2 MAKORINTIYO 6:17

«Ha izo, namulawe hari mwawo, tsena mudzitenge, Mola ɗe arongoao. Musuɓambe iyo ilio nagisi, na wami nitsomurengani ha uzuri.»

MAGALATWIYA 3:16

Na v̄anu zinguwahadi zika ziv̄olwa Iɓrahima na shilembwe yahe. uMuangishio kausurongoa amba «na zizilembwe», mauri amba wengi, ɓadi usurongoa moja, «na ishilembwe yaho», na uwo ɗe Kristi.

MAGALATWIYA 6:8

Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu.

MAEFESO 4:13

ata mupaka riwaswili piyasi hari mwa uv̄umoja wa uaminifu na wa ujua ha kusudi uMwana wa Mungu, mauri watru waɓalihi, walingana na ishiv̄imo ya utru ukamilifu wa Kristi.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

MAHEƁRANIYA 12:10

Maɓaɓatru yakorirudi mwana muda ha uɗunga izo wakoona amba ndjema. Ɓadi Unu asurirudi ha faida yatru, ile rirenge fungu hari mwa utwaharifu wahe.

MAHEƁRANIYA 9:15

Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

2 MONYE 3:13

Ɓadi ha uɗunga wahadi wahe, wasi risulindra wingu muv̄ia na shiv̄andre ya tsi pia, v̄ulio amba v̄utsoka uhaki.

2 MONYE 3:9

Raɓi kasuhomesa umutsimidzio wa uwahadi, mauri ɗe inamuna ɓaãdhwi waifikirio, ɓadi asusuɓiri mbeli zanyu, mana kasutsaha v̄waka ata moja aangamia, ɓadi piya wandre toɓa.

1 YUHANI 2:25

Na uwahadi ariv̄a ɗe unu, ɗe uhayati wa daima.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.