1 MONYE 5:5 - Ha`bari Ndjema ya I Maore

⁵ Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

1 MONYE 5:5 Iomraidhean Croise

LUKASI 22:26

Ɓadi hanyuju, isuke namuna iyo; ɓadi umuɓole mengoni mwanyu, nake mauri ɗe umutiti, na monyewe utarumu, ake mauri ɗe ule arumishiao.

MAROMU 12:10

Namuv̄endzane wanyu na wanyu ha huɓa ya shi unanya; namukane djitihadi ya uhishimiana.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAEFESO 5:21

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

1 TIMUTAUSU 5:1

Usulaguliye mangavu ɓaɓa muɗuhazi, ɓadi musariɓiye mauri ɓaɓa, yamashaɓaɓi waume mauri wananya watruɓaɓa,

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

YAKOƁU 4:6

Ɓadi asudjaãlia urehema wazidishiha iv̄o uMuangishio urongoao: «Mungu ukanyusha wao wadzionao, ɓadi waye udjaãlia urehema waekevu.»

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

1 MONYE 4:1

Ɓasi ha izo, iv̄o Kristi aondesheha mwilini, wanyu wajau namusike fikira ɗe wiyo-wiyo; mana mutru aondesheha mwilini, katawaliwa tsena na dhambi,

1 MONYE 4:5

Watsodzieledza mbeli za Uwo alio tayari ya uhukumu walio hayi na uwafu.