1 MONYE 5:2 - Ha`bari Ndjema ya I Maore

² namurundrise liɓangwe la Mungu mwadhwaminishiwalo, tsi ha mulazimisho, ɓadi ha uv̄endza yanyu, namuna Mungu atsahao, ɓila tsi ha mupario wendza aĩɓu, ɓadi v̄umoja na djitihadi.

1 MONYE 5:2 Iomraidhean Croise

LUKASI 12:32

«Usuriye mwana ɓangwe, mana Ɓaɓanyu aono ndjema amuv̄eni uUtawalizi.

MAV̄INGIZI-RISALA 20:29

Nisujua amba ɓaanda itsokao amba tsilawa, mbwa nyeha kali za watru zitsongia hari mwanyu, watru walio amba kawatsov̄oreha ata hata liɓangwe.

MAV̄INGIZI-RISALA 21:13

Sa ile adjiɓu: «Manatrini mulilao, munipuao ɓari iroho yangu? Tsa tayari, tsi ha ufungwa tu, ɓadi ata ha ufa Yerusalemu ha siɓaɓu ya lidzina la Raɓi Insa|Raɓi.»

MAROMU 1:15

Ha izo, tsina ushauku muhodari nimujudzeni wanyu wajau iIndjili, wanyu mulio Romu.

1 MAKORINTIYO 9:7

Mbani aparofanya hazi ya djeshi adziliv̄ao monyewe mushahara wahe? Mbani ataɓuo mizaɓiɓu wala kaɗyi yamavuna? Au mbani atsungao ɓangwe wala kano dzia la liɓangwe?

1 TIMUTAUSU 3:3

Kalazimu aka mulevi, wala mumani, ɓadi makini, asuke muguguru, wala muv̄endza-marike.

1 TIMUTAUSU 3:8

uWasaidizi wa Djama Ndziwaminifu wajau walazimu wake watru wakasidi, wendza kauli moja, tsi walevi, wala wadziparia ha namuna kayalazimu.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

TITUSA 3:1

Nahanidza watru wadzituĩse ha matawalizi na ha wendza yezi, wastehi, wake tayari ya kula shitrendro ndjema,

FILIMUNA 1:14

Ɓadi tsatsaha nafanya trongo itsokao yotsi kaɓula ya utsaha shauri laho, pare yasuke amba zema zaho farudhwi, ɓadi ha uv̄endza yaho monyewe.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

2 MONYE 2:3

Ha uv̄endzopara yawo, watsodzifayidisha hanyuju ha marongozi yendza trambo. Hawoju rangu hale, hukuma kayazia ufanya hazi na uangamifu wawo kawalala.