1 MONYE 4:7 - Ha`bari Ndjema ya I Maore

⁷ uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 MONYE 4:7 Iomraidhean Croise

MATIYO 24:42

Ɓasi namuke hashiri, iv̄o kamusujua isuku Raɓi wanyu atsojao.

MATIYO 25:13

V̄av̄o namuke hashiri, mana kamusujua isuku wala isa.»

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

LUKASI 21:36

Ɓasi namuke hashiri, muke hari mwa mamilio dahari-dahari, ile mukane ushindzi wa utralia piya trongo zizo zitsojao, tsena mushindre muhime hazahaza mbeli za uMwana wa Mwanadamu.»

LUKASI 22:46

«Manatrini musindziao? Namuhime mufanye mamilio, ile musuzainiwe.»

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

1 MAKORINTIYO 15:24

Amwesa umwiso utsoja, wakati atsov̄elehao ufalume ha Mungu amma Ɓaɓa, ɓaanda itsokao amba aangamidza kula utawalizi, kula yezi, na kula ushindzi.

1 MAKORINTIYO 7:29

Wananyangu, trongo niirongoao ɗe ini: wakati wa mushashi. Rangu v̄anu, wao waliona watruwashe, nawake mauri kawakana;

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

MAFILIPI 4:5

Umakini wanyu naujulihane ha watru piya. Raɓi a kariɓu.

MAKOLOSIYA 4:2

Namudziv̄e iwanyu yanyu ha yamamilio; namushese ha uendrelea nayo, v̄umoja na himida.

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

TITUSA 2:12

Iyo urisomedza uhara ushirikina na zingushauku za lidunia lini, na uẽshi wakati wa leo unu ha namuna ndzielevu, ya haki, tsena ya shiĩɓada,

MAHEƁRANIYA 10:25

Rasulishe ungulidzana na wanyatru wa shi uaminifu, mauri ɓaãdhwi waliona udzevu nayo, ɓadi naritriyane ɓari wasi na wasi, na zini hususwani iv̄o muonao amba iSuku isukuruɓia.

MAHEƁRANIYA 9:26

Mana v̄av̄o yatsoka amba akolazimu aondeshehe mara nyengi rangu lidunia uumbwa yalo. Ɓadi v̄anu hari mwa yimida ya mwiso, av̄enuha mara moja ha piya, ile azime hatwi lidhambi ha udzitoa sadaka.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 3:7

Ɗe namuna iyo wanyu watruwaume, namuẽshi na watruwashe wanyu ha ujua inamuna ndzambamba yawo. Namuwahishimu, iv̄o wao walazimu wawarithi v̄umoja na wanyu irehema ya uhayati, ile v̄wasuke trongo itsokao yotsi yaja yazia mamilio yanyu.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.