1 MONYE 4:18 - Ha`bari Ndjema ya I Maore

¹⁸ Na tsena amba: «Neka umutuĩvu uhuyiwa ha udziro, ɓasi atsoka jeje umovu na umufanyizi-madhambi?»

1 MONYE 4:18 Iomraidhean Croise

LUKASI 15:1

Piya maliv̄isa-latete na wendza taɓia mbi wakomujilia Insa wamuvulishiye.

LUKASI 23:31

Mana neka wasufanyia trongo zini muri mwitsi, v̄av̄o trini ɗe itsohidjirio hari mwa muri wahuma?»

MAV̄INGIZI-RISALA 14:22

Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.»

MAV̄INGIZI-RISALA 27:24

Iniambia: ‹Usuriye Ɓaulusu, ulazimu uv̄ire hari mwa minamuzi ya Kaiswara, na tsio Mungu asuhudjaãlia roho za piya wao watrekao na wawe.›

MAV̄INGIZI-RISALA 27:31

Sa ile Ɓaulusu amuambia dhwamana ule na yamadjeshi: «Neka watru wale kawaɓaki moni na lidjahazi, kamutsoshindra mwahuyiwa.»

MAROMU 1:18

Ha yakini amba ihadhaɓu ya Mungu iv̄enuha rangu pev̄oni kinyume na kula uovu na upeu wa wanadamu walio amba ha uovu wawo, wasutsonga ukweli usujulihane.

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

1 MAKORINTIYO 10:12

Ha izo, monyewe udzifikiria amba alimbala, natahadhari asuje awa.

1 TIMUTAUSU 1:9

Risujua raha amba iSharia kayahetsiwa ya watuĩvu, ɓadi ya warendrezi-mbovu na wakaidi, makufari na maãswifu, watru kawastehi dini wala yotsi ya shiungu, maula maɓaɓa na mamama, maangamifu,

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,

YAKOƁU 5:6

Muhukumu na uula mwendza haki, wala kasumulimbiani.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

2 MONYE 3:7

Na v̄anu ha urongozi ɗe uwo-uwo, ɗe zimbingu na ishiv̄andre ya tsi za av̄asa zahetsiwa ha ulindrilia umoro, zalishwa ya iSuku ya Hukuma, na uangamifu wa waovu.

YUDA 1:15

ile afanye hukuma kinyume na piya wanadamu, na uv̄enulia uwaovu piya zitrendrwa mbovu zawo na piya marongozi ya shilihidzo maãswifu mashirikina wayarongoa kinyume na waye.»