1 MONYE 4:11 - Ha`bari Ndjema ya I Maore

¹¹ Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

1 MONYE 4:11 Iomraidhean Croise

MATIYO 6:13

Usurilishe radjereɓilwa uzainiwa, ɓadi ripukamanise na uMovu|Movu.› [Mana utawalizi, ushindzi, na utukufu, wawe ɗe Monyewe wizo daimani aɓada. Amina.]

YUHANI 13:31

Ɓaanda Yudasi alawa v̄ale, Insa arongoa: «Av̄asav̄anu uMwana wa Mwanadamu|Mwana wa Mwanadamu atukuziwa, na Mungu atukuziwa haheju.

MAV̄INGIZI-RISALA 7:38

Waye ɗe aka na idjama padzaju, na imalayika yakorongoa na waye hari mwa uMulima wa Sinayi, tsena aka v̄umoja na wadzaɗe watru; av̄olwa marongozi yendza uhayati, aje ariv̄ewo.

MAROMU 11:36

Mana zitru piya zilawa hahe, zija ha indzia yahe, na tsena za ha tanafu yahe. Natukuzihe ha daima! Amina.

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

MAROMU 16:27

waye Mungu weke mwendza hikima natukuzihe ha Insa-Kristi daimani aɓada. Amina.

MAROMU 3:2

Zina faida nyengi ha kula namuna. Raɓuzi imahususu moni v̄av̄o, ɗe iv̄o amba Mayahudi ɗe wadhwaminishiwa yamarongozi ya Mungu.

1 MAKORINTIYO 10:31

Ha izo, mwamoɗya, au mwamonwa, au tsena yotsi muifanyao, namufanye piya ha utukufu wa Mungu.

1 MAKORINTIYO 12:4

Kweli amba v̄wa tafauti za neema, ɓadi Roho ɗe wiyo-wiyo.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

1 MAKORINTIYO 6:20

Mununulwa ha thamani. Ɓasi namumutukuze Mungu mwilini hanyu.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

MAEFESO 1:19

na uɓole wazidi jeje wa ushindzi wahe ha tanafu yatru, wasi riaminio, ushindzi walingana na uɓole wa inguvu yahe

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

MAEFESO 6:10

Ha umalidza, namuhodarishiwe hari mwa uv̄umoja wanyu na Raɓi, ha zinguvu zendza ushindzi zahe.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 2:11

tsena kula hanyo ikuɓali ha hadhwira amba Insa-Kristi ɗe Raɓi, ha utukufu wa Mungu amma Ɓaɓa.

MAKOLOSIYA 4:6

Ha daima marongozi yanyu nayake yendza neema, tsena yendza ladha, ile mujuwe namuna yalazimu mudjiɓu kula mutru.

1 MATESALONIKA 2:4

Ɓadi iv̄o ilio amba Mungu ɗe arikuɓali aridjukumise iIndjili, wasi risulagua tsi amba rijiv̄idze wanadamu, ɓadi rimujiv̄idze ɗe Mungu atundao zilio rohoni hatru.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

1 TIMUTAUSU 6:16

Waye weke alio amba kafu, Monyewe uketsi hari mwa nuru kaikuruɓishiha, alio amba kav̄u mutru aparomuona wala ashindrao amuone. Hishima na ushindzi kauna mwiso nazimuendreleye. Amina.

TITUSA 2:1

Ɓadi wawe, somedza izo zalingana na umusomo wa kweli.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

MAHEƁRANIYA 13:7

Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

MAHEƁRANIYA 5:12

Wala ukana ika ilazimu muke wasomedza iv̄o mida yiyo yav̄ira, ne musutsaha raha musomedzewe ziharufu za handra za marongozi ya Mungu. Mufanyiha amba musutsaha dzia raha, ɓadi tsi shahula mangavu.

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,

YAKOƁU 1:26

Neka mutru asudziona amba mutru wa dini, wala kasuzia ulimi wahe, ɓadi asudzilaɓa monyewe, v̄av̄o dini yahe ya truv̄u.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

1 MONYE 4:16

ɓadi neka amba iv̄o alio mutru wa Kristi, asuone haya; v̄av̄o waye namutukuze Mungu iv̄o av̄inga lidzina lilo.

1 MONYE 5:11

Haheju ushindzi nauke ha daima na daima. Amina.

YUDA 1:25

ha Mungu moja-moja, Muhuyifu watru ha ndzia ya Insa-Kristi, Raɓi watru, nav̄uke utukufu, ufalume, ushindzi na yezi, rangu kaɓula ya kula wakati, av̄asa, amma hari mwa piya uwakati! Amina.