1 MONYE 3:9 - Ha`bari Ndjema ya I Maore

⁹ Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MONYE 3:9 Iomraidhean Croise

MATIYO 19:29

Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MATIYO 5:39

Ɓadi wami nisumuambiani amba musuɗiv̄e mbovu. Neka mutru asuhurema lisavu la hume, muv̄e na limoja.

MATIYO 5:44

Ɓadi wami nisumuambiani: Namuv̄endze maãduwi yanyu, [namuɓariki wao wamuapizaoni, murendre ndjema wao wamuengaoni,] na umilia wao wamutresaoni,

MARKUSI 10:17

Wakati Insa aka ndziani, v̄wa mutru arema mbio, aja avundzu malondro mbeli zahe, amudzisa: «Fundi mwema, trongo trini ɗe nalazimu niifanye ile nipare uhayati mukamilifu wa daima?»

LUKASI 10:25

Ɓas, v̄uhimi mutaãlamu wa Sharia, amuambia Insa ha umudjereɓu: «Fundi, trini ɗe yalazimu niifanye ile nipare uhayati mukamilifu?»

LUKASI 18:18

Suku, v̄wa mukizi-mbeli amudzisa Insa ha urongoa: «Fundi mwema, trini ɗe yalazimu niifanye ile nipare uhayati mukamilifu wa daima?»

MAROMU 12:14

Namuɓarikishe wao wamutresaoni, muwamiliye ɓaraka, ɓadi musuwaapize.

MAROMU 12:17

Mwasuliv̄e mbovu ha mutru yotsi amufanyiani mbovu. Namudzihetsi ufanya ndjema mbeli za piya uwatru.

MAROMU 8:28

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

MAROMU 8:30

Na wao awahetsi rangu kaɓula, awahiri wajau; na wao awahira, awahakisha wajau; na wao awahakisha, awatukuza wajau.

MAGALATWIYA 3:14

Na iyo pare iɓaraka ya Iɓrahima iwaswili ha zinishani zangina ha ndzia ya Kristi-Insa, amwesa ha uaminifu, ripare iRoho yaka yatolewa wahadi.

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

MAHEƁRANIYA 12:17

Musujua amba mbeli-mbeli oho ɓaanda akotsaha awarithi umuɓarikisho, aharaliwa; kashindra apara mugaudzio utsokao yotsi, wala ukana akoutsaha ha matsozi.

MAHEƁRANIYA 6:14

Arongoa: «Ha yakini nitsohuɓarikisha ɓaraka ha uwengi, tsena nitsozidisha ndzao yaho.»

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.