1 MONYE 3:1 - Ha`bari Ndjema ya I Maore

¹ Ɗe namuna iyo wanyu watruwashe, namudzituĩse ha waume wanyu, pare neka amba v̄wa waharao utuĩ Urongozi, waparihane ha maendreleo ya watruwashe wawo, ɓila urongozi utsokao yotsi,

1 MONYE 3:1 Iomraidhean Croise

MATIYO 18:15

«Neka munyaho ahukoso, endra wamupare weke, umueledze likosa lahe. Neka ahuv̄ulishia, v̄av̄o itsoka amba umupara munyaho.

MAROMU 10:16

Ɓadi tsi piya ɗe watuĩ iHaɓari Ndjema. Mana Izaya arongoa: «Mwalangu, mbani ɗe aamini ihaɓari arikia nayo?»

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

MAROMU 7:2

Ha mufano, iSharia iyo ufungamanisa mutrumushe na mume wahe piya wakati mutrumume ule alio hayi; ɓadi neka umutrumume afu, v̄ale umutrumushe aɓuliwa na iSharia yakomufungamanisa na mutrumume wahe ule.

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

1 MAKORINTIYO 14:34

watruwashe nawaɓurihe hari mwa yimingulidzano, mana kawaruhusiwa ulagua moni v̄av̄o; ɓadi nawake twaã, mauri ɗe iheli yarongolwa wajau na iSharia.

1 MAKORINTIYO 7:16

Wawe mutrumushe, usujua jeje neka utsohuyi mume waho? Na wawe mutrumume, usujua jeje neka utsohuyi mushe waho?

MAEFESO 5:33

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

MAKOLOSIYA 3:18

Watruwashe, namudzihetsi watuĩvu ha waume wanyu, mauri ɗe inamuna yalazimu hari mwa uv̄umoja na Raɓi.

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 3:2

ɓadi ha uona maendreleo maraharifu yendza adaɓu yanyu.

1 MONYE 3:7

Ɗe namuna iyo wanyu watruwaume, namuẽshi na watruwashe wanyu ha ujua inamuna ndzambamba yawo. Namuwahishimu, iv̄o wao walazimu wawarithi v̄umoja na wanyu irehema ya uhayati, ile v̄wasuke trongo itsokao yotsi yaja yazia mamilio yanyu.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?