1 MONYE 2:9 - Ha`bari Ndjema ya I Maore

⁹ Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

1 MONYE 2:9 Iomraidhean Croise

MATIYO 4:16

Umati ulio shidzani uono nuru ɓole, na wao waka hari mwa umukaɓala wa ishivuli ya ufa, nuru iwawalia.»

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

LUKASI 1:79

ile iunishiye wao waketsi shidzani na hari mwa umuvuli wa ufa, ile iv̄inge ngao zatru hari mwa indzia ya amani.»

YUHANI 17:19

Nisudziv̄a wawe ha siɓaɓu ya wao, pare wao wajau wadziv̄e wawe ha kweli.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAV̄INGIZI-RISALA 26:28

Ɓas, Agripaso amuambia Ɓaulusu: «V̄uɓaki shashi tu wawe unigaudza mutru wa Kristi!»

MAROMU 9:24

Wasi ra moni v̄av̄o wajau, wasi rilio amba arihiri, tsi tu amba hari mwa yaMayahudi, ɓadi tsena hari mwa zinishani zangina.

1 MAKORINTIYO 3:17

Neka mutru asuangamidza inyumba ndzitwaharifu ya Mungu, Mungu atsomuangamidza. Mana inyumba ndzitwaharifu ya Mungu, iyo twahara, na inyumba ndzitwaharifu iyo, ɗe wanyu.

MAEFESO 1:14

Iyo ɗe ilio fungu la handra la umwaratha watru, ata ukamilishihe ukombofu wa wao adzipariawo, ha umusifio wa utukufu wahe.

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAEFESO 3:21

haheju utukufu naumuendreleye moni na iDjama Ndziwaminifu na hari mwa uv̄umoja na Kristi-Insa piya yimida, ha daima na daima! Amina.

MAFILIPI 3:14

nisusimamia ne niwaswili mupakaju, ile nipare ihishima amma ɗe umuhirio wa Mungu pev̄oni hari mwa uv̄umoja na Kristi-Insa.

MAKOLOSIYA 1:13

Arikomboa na yezi ya shidza, ile ariv̄inge hari mwa utawalizi wa uMwana wahe muv̄endzewa,

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

MUV̄ENULIO 1:6

tsena afanya amba wasi ufalume wa Matolezi-Masadaka ha Mungu wahe amma Ɓaɓa, hahe nav̄uke utukufu na ushindzi mida ha mida. Amina.

MUV̄ENULIO 20:6

Waɓarikishiha na utwaharishiha wao waliona fungu hari mwa umuregezeo hayi wa handra. Hari mwao, ufa wa v̄ili kauna ushindzi, ɓadi watsoka Matolezi-Masadaka wa Mungu na wa Kristi, tsena watsotawala v̄umoja na waye hari mwa yimaha alifu yiyo.

MUV̄ENULIO 5:10

Uwafanya wake ufalume wa Matolezi-Masadaka wa Mungu watru, tsena watsotawala hari mwa ishiv̄andre ya tsi.»