1 MONYE 2:6 - Ha`bari Ndjema ya I Maore

⁶ Mana v̄uangihwa moni na uMuangishio: «Tsami nisuhetsi hari mwa iSiyuna|Siyuna ɓwe la nyongaju, ɓwe latsahulwa, tsena lendza faida, na uwo aliaminio, katsojaya haya.»

1 MONYE 2:6 Iomraidhean Croise

MATIYO 12:18

«Tsunu murumishi wangu namutsahua, muv̄endzewa wangu, uwo umo wangu wajiv̄iwa na waye. Nitsohetsi Roho yangu ju lahe, na waye atsojudza ihaki ha zinishani.

MARKUSI 12:10

Kamwasoma urongozi unu wa uMuangishio Mutwaharifu? ‹liƁwe waundrizi walilatsa, ɗe larendreha liɓwe mahususu la nyongaju.

LUKASI 20:17

Ɓadi Insa awareme matso, amwesa arongoa: «Ɓasi v̄av̄o muangishio unu, mana yahe trini: ‹liƁwe waundrizi walilatsa, ɗe larendreha liɓwe mahususu la nyongaju.›?

LUKASI 23:35

Dunia ika ihimi v̄ale yakoangalia. Tsena yamakizi-mbeli yakomushekedza na urongoa: «Ahuyi watru wangina, ɓasi nadzihuyi monyewe neka waye ɗe Kristi, uMutsahuliwa wa Mungu.»

YUHANI 7:38

Mutru aniaminio, mauri ɗe inamuna uMuangishio urongoao: ‹Miro ya maji yiv̄ingao uhayati yitsoshuka ulawa moni hahe› ».

MAV̄INGIZI-RISALA 1:16

«Wananyangu, itrongo yaangihwa moni na uMuangishio Mutwaharifu ika ilazimu itsimidzihe, trongo iRoho Ndzitwaharifu aka aijudza rangu kaɓula ha ihanyo ya Daudu yapatana na Yudasi av̄inga uwatru wamusika Insa.

MAROMU 10:11

Mauri ɗe iheli uMuangishio urongoao: «Yotsi amuaminio katsoja haya.»

MAEFESO 1:4

Ha uv̄umoja watru na waye, aritsahua kaɓula lidunia lilo uumbwa, pare rike watwaharifu, tsena ɓila kosa mbeli zahe. Ha uv̄endza wahe,

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

2 TIMUTAUSU 3:16

Piya uMuangishio uja ulawa ha Mungu, tsena ufayi ya usomedza, ufundra, urudia na ufundrisa maendreleo ya uhaki,

1 MONYE 2:4

Namuje mumupare waye, Ɓwe lilio hayi, lalatswa na wanadamu, ɓadi latsahulwa na uonehana amba lendza faida ɓole mbeli za Mungu.

1 MONYE 2:8

Na tsena: «Ɓwe likwalisao, ɓwe-monye liusao.» Wao ulikwala, mana kawasutuĩ Urongozi. Na iyo ɗe itrongo wahetsiwayo.

2 MONYE 1:20

Kaɓula ya kula trongo, namujuwe amba kav̄usi urongozi washukidziwa hari mwa uMuangishio amba mutru ujua aueledze waye monyewe.

2 MONYE 3:16

Iyo ɗe itrongo airongoao moni na piya maɓarua yalio amba asulagua trongo zizo. Moni v̄wawo v̄usuparihana trongo zilio ndziro za uelewa, zilio amba watru kawaji tsena tsi wahodari ugaudza imana yazo, mauri ɗe inamuna wafanyao wajau na yiMiangishio yasalia, ha uangamifu wawo wenyewe.