1 MONYE 2:21 - Ha`bari Ndjema ya I Maore

²¹ Na ha iyo ɗe mwahirwa, mana Kristi wajau ne aondesheha ha umufayidishani, amulishiani mufano, ile muɗunge yimirohoro yahe:

1 MONYE 2:21 Iomraidhean Croise

MATIYO 10:38

Mutru kadzitrihisa umuri wa pawa wahe aniɗunga, kanistahiki.

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MATIYO 16:24

Amwesa Insa aambia maswihaɓa yahe: «Neka mutru asutsaha aniɗunge, nadziɗelese iwaye yahe, adzitrihise umuri wa pawa wahe, iv̄o aniɗunge.

LUKASI 24:26

Hali kayaka yalazimu Kristi aondesheha na trongo zizo, iv̄o angia hari mwa utukufu wahe?»

YUHANI 13:15

Mana tsimuv̄ani mufano, pare mufanye mauri ɗe iheli namufanyiani.

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

MAV̄INGIZI-RISALA 14:22

Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.»

MAV̄INGIZI-RISALA 17:3

ha uwaeledza na uwaonesa amba ika ilazimu uMutsahuliwa aondeshehe, iv̄o aregezewe hayi ulawa ufa. Awaambia tsena: «Insa uwo nimujudzaoniwo, waye ɗe Mutsahuliwa.»

MAV̄INGIZI-RISALA 9:16

Nitsomuonesa piya yamatreso alazimu ayav̄iriye ha siɓaɓu yangu.»

MAROMU 8:29

Mana wao awajua rangu mwandro, awahetsi wajau rangu kaɓula walingane na umufano wa uMwana wahe, ile pare uMwana wahe ake ɗe zuki hari mwa wananya wengi.

1 MAKORINTIYO 11:1

Namuɗunge mufano wangu, mauri ɗe inamuna niɗungao mufano wa Kristi.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

MAFILIPI 2:5

Namukane wanyu na wanyu inamuna Kristi-Insa akanayo:

1 MATESALONIKA 3:3

v̄wasuke ata mutru ataharakishiwa ha siɓaɓu ya yamatreso yao muyaẽshio. Mana musujua wanyu-wanyu amba irilazimu riv̄ire v̄av̄o.

1 MATESALONIKA 4:2

Kweli amba musujua maosio ramuv̄aniwo ulawa ha Raɓi Insa.

2 TIMUTAUSU 3:12

Kweli amba piya watsahao waẽshi shiĩɓada hari mwa uv̄umoja na Kristi-Insa, watsotreswa.

MAHEƁRANIYA 2:10

Ha iv̄o Uwo alio amba piya za v̄av̄o ha siɓaɓu ya waye na ha ndzia yahe akotsaha av̄inge hari mwa utukufu wengi wa wana wa mwanadamu, ika imustahiki amukamilishe Insa ha uv̄ira hari mwa maondo, Insa alio likoho la uhuyifu wawo.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MONYE 4:1

Ɓasi ha izo, iv̄o Kristi aondesheha mwilini, wanyu wajau namusike fikira ɗe wiyo-wiyo; mana mutru aondesheha mwilini, katawaliwa tsena na dhambi,

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 YUHANI 2:6

ɗe amba uwo arongoao amba a hari mwa uv̄umoja na waye, alazimu adziv̄inge mauri ɗe inamuna waye adziv̄inga.

1 YUHANI 3:16

Ha zini risujua uv̄endza: ɗe amba waye Insa av̄a uhayati wahe ha faida yatru. Wasi wajau, rilazimu riv̄e uhayati watru ha faida ya uwananya.

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.