1 MONYE 1:7 - Ha`bari Ndjema ya I Maore

⁷ Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

1 MONYE 1:7 Iomraidhean Croise

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

LUKASI 17:30

Itsoka ɗe inamuna iyo wajau isuku uMwana wa Mwanadamu atsov̄enuhao.

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

YUHANI 5:44

Ha namuna jeje mutsoshindrao muamini, wanyu murengao sifa zanyu wanyu ha wanyu, ne kamusutsaha mwapara sifa yalawa ha Mungu kana wa v̄ili?

MAV̄INGIZI-RISALA 8:20

Ɓadi Monye amuambia: «Fedha zaho zizo nazipoteye v̄umoja na wawe, ha iv̄o wafikiri amba ineema ya Mungu upariha ha kima ya fedha!

MAROMU 2:10

Na ha kinyume, utukufu, hishima na utrulivu ha yotsi arendrao ndjema, raɓuzi ha uMuyahudi, iv̄o ha uwo kasi.

MAROMU 2:29

Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 8:19

Mana ziumbe piya zisulindra na hamu uwakati wa umuv̄enulio wa uwana wa Mungu.

1 MAKORINTIYO 3:13

v̄av̄o hazi ya kula mutru itsoonehana, mana iSuku ya Hukuma itsoionesa. Itsov̄enulwa ha moro, na umoro ɗe utsotoao udhiɓitifu wa inamuna ya ihazi ya kula mutru.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 1:5

wanyu mutundwao na ushindzi wa Mungu ha ndzia ya uaminifu, ile mupare uhuyifu ulio tayari uv̄enulwe hari mwa uwakati wa mwiso.

1 MONYE 2:4

Namuje mumupare waye, Ɓwe lilio hayi, lalatswa na wanadamu, ɓadi latsahulwa na uonehana amba lendza faida ɓole mbeli za Mungu.

1 MONYE 2:7

Ɓasi v̄av̄o ha wanyu muaminio, ɓwe lilo lina faida halisi; ɓadi ha wao kawasuamini, «Ɓwe lile maundrizi walilatsa, lifanyishiha liɓwe mahususu la nyongaju.»

1 MONYE 4:12

Wanyu wav̄endzewa, musushange na lijenge la mudjereɓio limuv̄iriaoni, mauri mwakov̄iriwa na trongo imarusao.

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

2 MONYE 1:4

Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.

2 MONYE 3:14

Ha izo wav̄endzewa wangu, iv̄o mulindrao trongo zizo, namufanye djitihadi muparihanihe na waye ɓila pandra wala kosa hari mwa amani.

YUDA 1:24

Ɓasi ha Uwo ashindrao amuziyeni na kula mukwaliso, tsena amuyeleheni mbeli za utukufu wahe ɓila pandra hari mwa furaha,

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

MUV̄ENULIO 3:10

Rangu wasika urongozi wangu amba usuɓiri, wami wajau nitsohusika wakati wa umudjereɓio utsojao hari mwa piya ishiv̄andre ya tsi iketsiwao, pare udjereɓu uwakazi wa ishiv̄andre ya tsi.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.