1 MONYE 1:2 - Ha`bari Ndjema ya I Maore

² Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

1 MONYE 1:2 Iomraidhean Croise

MATIYO 24:22

Na djeli zisuku za ãdhaɓu zizo kazaka zav̄ungudziwa, kav̄usi ata mutru atsohuyiwao; ɓadi ha siɓaɓu ya uwatru watsahulwa, suku zizo zitsov̄ungudziwa.

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 24:31

Ha ɓaragumu ɓole atsov̄eleha malayika zahe hari mwa zinyonga nne za ishiv̄andre ya tsi, ile zingulidze watsahulwa wahe, ulawa kotso ata kotso ya uwingu.»

MARKUSI 13:20

Tsena, na djeli Mola kaka av̄ungudza suku zizo, kav̄u ata mutru atsohuyiwao; ɓadi ha siɓaɓu ya uwatru awatsahua, av̄ungudza ihisaɓu ya suku zizo.

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

MARKUSI 13:27

Ɓas, atsov̄eleha zimalayika hari mwa zifalaki nne za ishiv̄andre ya tsi ha ungulidza wao watsahuliwa na Mungu, ulawa rangu mwandro wa ishiv̄andre ya tsi, ata umwiso wa zimbingu.»

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

MAV̄INGIZI-RISALA 15:18

Zini ɗe zitrongo Mola azirongoa, waye alio amba ɗe azijudza rangu zamani.›

MAV̄INGIZI-RISALA 2:23

Mutru uwo atrilwa mihononi hanyu ha uɗunga izo zaka zahetsiwa na Mungu, zilio amba akozijua rangu kaɓula; na wanyu mumuulu ha yimihono ya watru waovu, mumureme mizumari hari mwa muri wa pawa.

MAV̄INGIZI-RISALA 20:32

Ɓas av̄asav̄anu nisumudhwaminishani ha Mungu, na ha urongozi wa neema wahe uliona ushindzi wa umuhodarishani, na umuv̄ani mwaratha v̄umoja na piya watwaharishiwa.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

MAROMU 11:2

Mungu kajeledza umati wahe ulio amba aujua rangu kaɓula. Hali kamusujua iyo uMuangishio urongoao hari mwa likara lahusu mashitaka ya Eliya mbeli za Mungu kinyume na Israila, amba:

MAROMU 11:28

Yahusu iIndjili, wafanyiha maãduwi ya Mungu ha faida yanyu, wanyu tsi Mayahudi. Ɓadi yahusu umutsahulio wahe, wav̄endzewa ha siɓaɓu ya wadzaɗe wawo.

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

MAROMU 16:19

Yamuhusuni wanyu, utuĩvu wanyu ujulihwana na watru piya. Ɓasi nisufurahi ha siɓaɓu ya wanyu, ɓadi nisutsaha mukane hikima hari mwa yahusu indjema, muke warahafu hari mwa yahusu imbovu.

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

MAROMU 8:33

Mbani ɗe atsosingidziao wao watsahuliwa na Mungu? Mungu waye ɗe ahakishao!

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

2 MAKORINTIYO 10:5

Risuv̄indrusa ziãkili za trambo na kula ufahari udzihedzao kinyume na ujuzi wamuhusu Mungu, tsena risuv̄inga kula fikira ifanyihe mufungwa hari mwa itrongo ya umutuĩ Kristi.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

2 MATESALONIKA 2:13

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

2 TIMUTAUSU 2:10

Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

MAHEƁRANIYA 11:28

Ɗe ha uaminifu ɗe ahetsi uMutupio|Mutupio, na umutsanyio wa damu milongoju, pare uMuangamifu asuɓambe madzazi ya handra ya uwana wa Maisraila.

MAHEƁRANIYA 12:24

mumujilia Insa, umuparanisa wa mukataɓa muv̄ia, na idamu yahe yatsambadziwa ilaguao trongo ndjema rahana ya Haɓilu.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

1 MONYE 1:14

Mauri wana watuĩvu, mwasudzilishe mwatawaliwa na zingushauku mwakanazo nyumeni hule, wakati raha kamwakana ujuzi.

1 MONYE 1:19

ɓadi ha idamu yendza kima ɓole ya Kristi, mauri ya mwana ɓariɓari kana shifeli wala pandra.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

2 MONYE 1:2

Urehema na amani nazimuendreleyeni ha uwengi ha indzia ya umujua Mungu na Insa, Raɓi watru.

2 YUHANI 1:1

Wami, muɓole wa iDjama Ndziwaminifu, nisumuangishia Ɓweni mutsahuliwa, na wana wahe niwav̄endzao hari mwa ikweli. Wala tsi wami tu ɗe niwav̄endzao, ɓadi wajau piya wao wajuao ikweli

2 YUHANI 1:13

Wana wa mwananyaho mutrumushe mutsahuliwa wasuhusalimu.

YUDA 1:2

Urehema, utrulivu na uv̄endza nazimuendreleyeni ha uwengi.