1 MONYE 1:12 - Ha`bari Ndjema ya I Maore

¹² Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

1 MONYE 1:12 Iomraidhean Croise

MATIYO 11:25

Wakati ule Insa arenge umurongo arongoa: «Nisuhuhimidia Ɓaɓa, Mola wa uwingu na ishiv̄andre ya tsi, iv̄o wadzamisia trongo zini uwendza ãkili na wendza ĩlimu, waziv̄enulia uwatiti.

MATIYO 11:27

Piya trongo tsiv̄olwazo na Ɓaɓangu, na kav̄u ajuao uMwana neka tsi ɗe Ɓaɓa, wala kav̄u ajuao Ɓaɓa neka tsi ɗe uMwana, na uwo uMwana atsahao amuv̄enuliye.

MATIYO 16:17

Insa amuambia: «Uɓarikishiha, Simoni, mwana wa Yunusa! Mana tsi mwanadamu nyama-nyama ɗe ahuv̄enulia trongo iyo, ɓadi ɗe Ɓaɓangu alio mbinguni.

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

LUKASI 15:10

Ɗe namuna iyo tsena ɗe nimuambiaoni amba v̄wa furaha hari mwa zimalayika za Mungu ha siɓaɓu ya muãswifu moja andra toɓa.»

LUKASI 2:26

Aka av̄enushiwa na iRoho Ndzitwaharifu amba katsofariki raha kamuona uMutsahuliwa wa Mola.

LUKASI 9:6

Ɓas walawa, wandre ɗago ha ɗago, wakojudza iHaɓari Ndjema na uzihira wawaɗe kula v̄ahanu.

YUHANI 15:26

«Wakati uMusaidizi atsojao, uwo nitsomuv̄elesheaniwo ulawa ha Ɓaɓa, ne ɗe iRoho ya ukweli ilawao ha Ɓaɓa, atsonilawia ushahidi.

MAV̄INGIZI-RISALA 10:44

Raha Monye akolagua, na iRoho Ndzitwaharifu ishukia piya wale wakovulishia ihutuɓa.

MAV̄INGIZI-RISALA 16:10

Ɓaanda ya inida yahe ile, ritsaha kamwe rendre Makadoniya, mana rielewa amba Mungu akorihira rendre rajudze iHaɓari Ndjema hule.

MAV̄INGIZI-RISALA 2:33

Ahedzewa humeni ha Mungu, amwesa apara ulawa ha Ɓaɓa iRoho Ndzitwaharifu yaka yatolwa wahadi, tsena aenedza iyo muonao na ukia.

MAV̄INGIZI-RISALA 4:31

Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

MAV̄INGIZI-RISALA 4:8

Ɓas Monye, ajaya iRoho Ndzitwaharifu, awaambia: «Wanyu makizi-mbeli na watru waɓole,

MAV̄INGIZI-RISALA 8:25

Ɓas, ɓaanda watoa ushahidi wa uaminifu wawo na ujudza Urongozi wa Mola, Monye na Yuhani waregea Yerusalemu ha utekeleza iHaɓari Ndjema hari mwa malago mengi ya Samariya.

MAROMU 1:15

Ha izo, tsina ushauku muhodari nimujudzeni wanyu wajau iIndjili, wanyu mulio Romu.

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

1 MAKORINTIYO 2:10

Ne ɗe Mungu ariv̄enushiazo wasi ha iRoho. Mana iRoho utunda piya, ata zilio hari mwa zilindri zahe Mungu.

2 MAKORINTIYO 1:22

Waye ɗe aritria umuhuri wahe, tsena waye ɗe atria rohoni hatru iRoho, ile ike fungu la handra la izo arilishia.

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

MAGALATWIYA 1:12

Mana tsaipara ha mwanadamu, wala tsasomedzewayo na mwanadamu, ɓadi Insa-Kristi ɗe aniv̄enuliayo.

MAGALATWIYA 1:16

wa univ̄enulia uMwana wahe, ile nimujudze ha uwatru wa zinishani zangina kazimuji Mungu, ɓasi wakati uwo tsatsaha shauri ha mutru atsokao yotsi,

MAEFESO 3:10

Ini aifanya ile av̄asav̄anu zingutawalizi na zingushindzi zilio mbinguni zijuwe, ha ndzia ya iDjama Ndziwaminifu, ihikima ya Mungu ya kula namuna,

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

MAHEƁRANIYA 11:13

Ɗe hari mwa uaminifu ɗe piya watru wao wafa, ɓila upara trongo waka watolewa wahadi, ɓadi wakoziona, tsena wakozishangiria rangu mbali, ha ukuɓali amba wa wadjeni na watru wav̄irao na ndzia shiv̄andreju mwa tsi.

MAHEƁRANIYA 2:4

Mungu waye adhiɓitisha ushahidi wawo ha ãlama za midjuza na ãdjaɓu, v̄umoja na midjuza za namuna na namuna, tsena raha ha neema za iRoho Ndzitwaharifu zaɗungana na mav̄endzeleo yahe.

MAHEƁRANIYA 4:2

mana rijudziwa iHaɓari Ndjema mauri ɗe watru wao. Ɓadi urongozi waukia kawawafayidisha na itsokao yotsi, iv̄o kawaukia ha uaminifu.

1 MONYE 1:25

ɓadi urongozi wa Mola wa v̄av̄o dahari.» Na urongozi uwo, ɗe iHaɓari Ndjema mwajudziwayo.

1 MONYE 4:6

Iyo ɗe imana amba ata ha uwafu, ne iIndjili ijudziwa, ile pare ɓaanda wanamulwa shi wanadamu mwilini, waẽshi shi roho mauri Mungu.

MUV̄ENULIO 5:11

Amwesa tsiangalia, tsikia ji la malayika nyengi zapara indadi ya mialifu na mialifu. iShiri ya ufalume ile ika izingidziwa na ziumbe zendza roho na wadzaɗe.