1 MAKORINTIYO 12:1 - Ha`bari Ndjema ya I Maore

¹ Ɓasi zahusu neema za shiroho wananyangu, tsisutsaha yaka amba kamusujua.

1 MAKORINTIYO 12:1 Iomraidhean Croise

MAROMU 1:13

Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

1 MAKORINTIYO 10:1

Wananyangu, tsisutsaha yaka amba kamwajua amba piya wadzaɗe watru waka utsini na livingu, tsena piyawo wapasua iɓahari.

1 MAKORINTIYO 14:37

Neka v̄wa mutru aonao amba waye mutru ajudzao marongozi ya shi mutrume yashukidziwa, au mutru av̄ingwao na iRoho, nakuɓali amba izo nimuangishiaonizo, iyo ãmuri ya Raɓi.

2 MAKORINTIYO 1:8

Kweli amba karisutsaha yaka amba kamwajua, wananyangu, zitaãɓu raziona hari mwa liɓavu la Aziya. Rika risongwa ha kusudi ata yakov̄iria zinguvu zatru, ha namuna amba rika rilawa tama ya uɓaki hayi.

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

2 MONYE 3:8

Ɓadi v̄wa trongo, wav̄endzewa, ilio amba kayalazimu mwaiɗela, ne ɗe: Ha Raɓi, suku moja mauri maha alifu, na maha alifu mauri suku moja.