Suun 2:3 - Manji Yiljep

³ Wu gung, koo ɗe wun nkaa shwaajeel mbǝ sǝm fen, ɓe taji wu baa mɓwoon kas.

Suun 2:3 Iomraidhean Croise

Maak 15:21

Kaaɗe mo a ar dǝm nǝ, ɓe mo taa kaat kǝ mee gwar, ɗe moo pet sim nwur a Simon, wu a ngu Sairin, puun Alekzanda kǝ Rufus, wur tong mmee laayil jì ɗe, ɓe shiitoon nǝ mo le wur mang shiyeepmúut Jesu nǝ ating.

1 Koronti 13:7

Wal nǝ kǝ gung ndǝǝn mbii mo jir, kǝ nii shinzeen ndǝǝn mbii mo jir zak. Wal nii canciin ndǝǝn mbii mo jir, kǝ nii yaa sat ndǝǝn mbii mo jir.

1 Koronti 16:16

kǝ wu mwaan nɗang mǝse kǝ gurum mo kaa mǝnǝ mo sǝ, kǝ wu mwaan nɗang koo weyi ɗe wu shin káa fin, mɓe cìn ɗak mǝ ɓam wur, ashak kǝ mo.

2 Koronti 10:15

Baa canjoom fun nǝ ɗel met mbii dǝ nǝ ret kas, kǝ baa nǝ tung ɗak ke mee gurum mo kas. Amma mu canciin nǝ, a shinzeen fuu nǝ ɓul hakyeng, ɓe ɗak fun nɗǝǝn wun, nǝn mɓul ɗes hakyeng zak.

2 Koronti 11:23

Katɗang ɓe mo a kǝrem mu Kristi mo, ɓe wen a kǝrem mu Kristi zak. Wen satpwoo nǝ a kaa ngutar sǝ! Mbǝɗe wen cìn ɗak ɗe nǝ ɗes met mumo nǝ. Mo kǝ ɓwoot wen le nlushoot, kǝ wen shwaanas met mǝ sat zak. Wen kǝn shwaajeel mo shinǝ-shinǝ har kus kǝ muut zak.

2 Koronti 4:1

A Naan Wur cin ɗak mǝ Satpwoo wur ɗeret wo mun nɗǝǝn ɗeret mǝ kussuk wur. Mbǝmǝnǝ, bǝ taji nǝ waam kwak mun kas.

2 Koronti 4:16

Mɓemǝnǝ, bǝ baa nǝ waam mmun kas. Koo dǝ mun kǝ fwoshik ɗi nǝ a mu gurum, ɗe nǝ wam, amma jir kǝsǝ, bǝ koo puus ɗeɗangyi, bǝ moo le riin fun nǝ mo ɗee a ɗepwoo.

2 Koronti 5:9

Mbǝmǝnǝ bǝ koo ɗe mun ɗi nɗǝǝn yil ɗesǝ, kǝ koo a nɗǝǝn yil ɗe nǝn ndung jì, bǝ ɗyen mmun kǝ mu cin a mbii ɗe mo ret nNaan nyit.

2 Koronti 6:5

Muu shwaanas, kǝ mo naa mɓwoot mun, kǝ muu tong mɓut nenyool kǝ ɓǝlep mo, kǝ ɗak mo ɗes, kǝ tong shi gongpee, kǝ tong kǝ neen, kǝ ciin saam zak.

Galati 6:2

Wu ɓamshak, katɗang wu cìn aasǝ ɓe wu gam Wàar Kristi mǝnǝ.

Galati 6:9

Taji kwak fun mo waam mbǝ cìn mbii ɗeret mo kas, mbǝɗe katɗang pee nǝ wul, ɓe mun nɗyiip ɗeret mǝ ɗak fun mo, ka baa mu taa mu muutleet kas.

Filipi 2:16

Kaaɗi wuu satpwoo ɗeret mǝ seen nǝ mo sǝ. Katɗang wu cìn aasǝ, ɓe ghan nkatpee mbǝ leshap shi wun parpuus mǝ Kristi. Mbǝɗi parpuus mǝnǝ, ɓe nǝ nɗee agaak nee, ɗaar kǝ ɗak ɗe dǝ ghan kǝn cìn nǝ, baa nǝ a buu kas.

Filipi 4:3

Wen ɗang pee waa ɗyemnǝǝn fen, ɗe muu cìn ɗak ashak, kussuk a ɓam mat ɗesǝ mo. Mbǝɗi mat ɗesǝ nǝ moo cìn ɗak ashak kǝ an nɗǝǝn satpwoo ɗeret nǝ, ashak kǝ Kelemen kǝ koor des ɗe muu cìn ɗak ashak kǝ mo jir. Nen ɗe sǝm mo a ɗerǝran nɗǝǝn ɓǝǝt haal mǝ seen.

Kolosi 1:11

Muu ɗangnaan (leshap kǝ Naan) nǝ, Naan ɗewur ɓal met jir, wur nshínɓal nwun, mbǝkǝ wu ɗar ɗe ɓalɓal nɗǝǝn mbii mo jir. Kǝzak, koo ɗe a me cìn yi, ɓe nwun sat a ngung ɗe ɗak, kǝ nwun kat retnyit ɗi zak.

1 Tasoloni 1:3

Muu yee wun mɓe Naan fun, ɗewur aɗeng, kaaɗe wu kám cinzeen fuu nǝ nɗǝǝn mbii ɗe wuu cìn mo. Kǝ kaaɗe wal fuu nii le kǝ wu cìn ɗak shiɓal, kǝ kaaɗe canciin fuu nkaa Jesu Kristi nǝ ɗar ɓalɓal sǝ.

1 Tasoloni 2:9

Ɗyemnaa mo, wu yee nɗak ɗe gyet mun mu cìn shiɓal pee wun ɗi. Gyet mun mu cìn ɗak mpar kǝ puus, mbǝkǝ taji mu lejeel nwun kas, nnaar ɗe gyet mun nkaa satpwoo ɗeret mǝ Naan nǝ nwun.

1 Tasoloni 5:12

Ɗyemnaa mo, mu ɗang pǝ wun kǝ wu shìn ɗeɗes nen ɗe moo cìn ɗak pee wun ɗi. Muu sat a nen ɗe moo fwang wun kǝ kam wun nɗǝǝn kǝǝr nDaa.

2 Tasoloni 3:13

Ɗyemnaa mo, taji kwak fuu mo murǝp mbǝ cìn ɗak ɗeret kas.

2 Tasoloni 3:5

Daa wur nle kǝ wu man wal Naan ɗeɗes mɓe wun, kǝ gung kaaɗe Daa Jesu gung sǝ zak.

2 Tasoloni 3:8

kǝ baa muu se mbiise nsar mee ngwar zuum kas, amma muu cìn ɗak shiɓal kǝ sar fun mo mpar kǝ puus, mbǝkǝ taji mu lejeel mmee ngwar nɗǝǝn wun kas.

2 Pita 1:6

Taji wu yit nǝ ɗee a man mbii mo ɓejee kas, ɗangɓe wu gung kǝ nwun yaasuk ɗi. Kaaɗi wuu gung mbǝkǝ nwun yaasuk ɗi, ɓe wu ɗar ɓalɓal nɗǝǝn mbii ɗeret mo jir, kǝ nwun shin ɗeɗes nNaan.

Suun 1:9

A an, Joon ɗyemnǝǝn fuu ngudǝm nɗang Jesu, an a memee ndǝǝn wun nen ɗe wuu gung kǝ shwaajeel, mbǝɗe wun a dǝr Mishkoom Kristi. An mee laayil, ɗe am neer nǝ cǝǝrkaat, ɗe moo pet nǝ a Patmos, mbǝɗe gyet an kǝn satpwoo Naan nǝ gurum mo, ɗe Jesu wur shin langteng ne.

Suun 3:10

Kaaɗe aa ten a keer war fen sǝ mo, kǝ gung zak, mpeemǝnǝ ɓe nghan ntap kǝ waa, mbǝkǝ taji mee mbii tung waa kas, nɗǝǝn teer mǝ jeel ɗe nǝn nɗang jì nkaa yil nǝ, mbǝkǝ nǝ cam gurum mo ɗe jir nɗǝǝn ɓǝm-yil ne.