Maak 16:1 - Manji Yiljep

¹ Aɓwoon kǝ parpuus Nookɗi mǝ nen Yahudi mo, ɓe Meeri Makdalin kǝ Salome, kǝ Meeri nǝǝn kǝ Jemis, mo seet mwoor tus shangshang, mbǝkǝ mo dǝm pwes ɗe nkaa kúm Jesu.

Maak 16:1 Iomraidhean Croise

Maak 14:3

Kaaɗe Jesu nyil mBetani, nɗǝǝn lu kǝ Siman nguloom, ɓe wur nkaa se mbiise. Ɓe mee mat war jì kǝ tuut mwoor ɗe nǝ kǝ toos shangshang ɗe moo pet nǝ a nard, ɗe nǝ kǝrim zam. Ɓe war tep took kǝ tuut nǝ, mbǝkǝ war ɗoo mwoor nǝn nJesu nkáa.

Maak 14:8

War kǝ cìn mbii ɗe waa mak cìn nǝ. Mwoor ɗe waa kǝ ɗoo nkaa fwoshik fen sǝ, war cìn mǝnǝ a mɓe ɗak san fen mɓe wum.

Maak 15:40

Pak mat moo ɗar ɗe pan jong, mon nkaa naa mbii ɗe nii cìn jir. nƊǝǝn mat nǝ mo, ɓe Meeri Makdalin waa ɗe, kǝ Salome kǝ Meeri nǝǝn Jemis ɗelee kǝ Josep.

Maak 15:42

Nciit kǝ mǝni, ɓe kansǝǝn cìn, a parpuus ɗe gurum moo ɗak sut ɗe, mbǝɗe ɗaar nǝ a puus nookɗi.

Maak 15:47

Meeri Makdalin, kǝ Meeri nǝǝn kǝ Josep, mo naapee ɗe mo le kum Jesu nǝ ɗi.

Maak 16:2

Parpuus ɗenshee mɓut nteer pwovǝl sǝ mo, mɓít nciit kǝ ɗe puus mɓe kaa ɓe mat nǝ mo pwat dǝm a peeɗi kǝcir nǝ ɗi.

Maak 16:8

Ɗangɓe mat nǝ mo yool pwat yit kǝcir nǝ, ɓe mo shwe dǝm kǝ kǝǝrmuut, ɗang nǝ aapwoo mo zak. Baa mo taa sat mee mbii mmee gurum kas, mbǝɗe kǝǝrmuut nǝ fes yaa mo zam.