Maak 13:11 - Manji Yiljep

¹¹ Katɗang ɓe mo yak wun, kǝ mo dǝm kǝ wun nluɗyeel ɓe taji wu an suk mbe mbii ɗe wun nsat kas. Mɓeɗi a Riin Naan wur nkám wun mbii ɗe wun nsat mo. Mɓeɗi baa a wun nkaa satpwoo nǝ kas, amma a Riin Naan wur nkaa satpwoo nǝ.

Maak 13:11 Iomraidhean Croise

Maak 13:12

Ɗyemnǝǝnshak mon nsǝrep shak har mpee muut, ɓǝ puun wur nseet làa fin zak. Jep mon nyool lek kǝ puun fur mo, kǝ nǝǝn wu mo, ɓe mon nle kǝ mo twe mo.

Maak 13:9

<<Ɗangɓe wu tap kǝ káa fuu, mbǝɗe gurum mon nyool sǝrep wun nsar kǝ nentokɗyeel mo, kǝ mon nnǝram wun nɗǝǝn lu Naan mo. Mon ndǝm kǝ wun ntoom gofna, kǝ mishkoom mo, mbe sǝm fen. Ɗesǝ nǝn nle kǝ wun katpee satpwoo ɗeret nǝ ɗe ntoom mo.

Ɗak Jeplep Jesu Mo 2:4

Mo gam mo jir shi Riin Ɗeɓang, yaksǝ mo ɗoom leshap mo shi liispwoo mo shini-shini, kaaɗe Riin Ɗeɓang kám mmo sǝ.

Ɗak Jeplep Jesu Mo 3:13

A Naan mǝ Abraham kǝ mǝ Aizik kǝ mǝ Jekop, kǝ mǝ puun fun mo, a wur le nguɗak fin Jesu a ɗeɗes. Dǝ a wun wu seet Jesu, ɗang wu cii wur ntoom Pailet, kaaɗe Pailet sat nǝ, ɗyin mbǝ ɓwet Jesu.

Ɗak Jeplep Jesu Mo 4:31

Kaaɗe mo kyes ɗangnaan mǝnǝ, ɓǝ pee ɗe moo kuur ɗi ashak, nǝ sǝǝn. Mo gam kǝ Riin Ɗeɓang jir, yaksǝ mo yaa satpwoo mǝ Naan ɓalɓal agaak, baa ashak kǝ kǝǝrmuut kas.

Ɗak Jeplep Jesu Mo 6:10

Ɗang baa mo mak katɓal ɗe mon nɗar kǝn mo cin ɓeetshik ɗi kǝ Stivin kas, mbǝɗe wur leshap a shi ɗyen ɗe Riin mǝ Naan shin nwur.

Ɗak Jeplep Jesu Mo 6:15

Nen ɗe moo tong ɗi a pee ɓeetpwoo nǝ jir, mo ban yit fur mo nkaa Stivin, ɓǝ mo naa yit wur nǝ ɗee a koo yit ngulep mǝ Naan sǝ.

Ɗak Jeplep Jesu Mo 7:55

Mbǝɗǝ Stivin gam kǝ Riin Ɗeɓang, ɓǝ wur naapee kaa aɗeng, ɓǝ wur naa Ɗehai mǝ Naan, kǝ Daa Jesu kǝ ɗar nsarse kǝ Naan zak.

1 Koronti 2:13

Mɓǝmǝnǝ, pwoo ɗe muu sat nwun, baa nǝ put a mɓut mman mǝ gurum kas, amma a Riin wur woo nǝ mmun. Riin nǝ wur woo zeen, mbe nen ɗe mo kǝ Riin Naan ndǝǝn pǝtuup fur mo.

Afisus 3:5

Gyet nyam, ɓe baa mo woo mbii ɗesǝsok nǝ mo ngurum mo kas, amma yaksǝ ɓe Naan wur kǝ woo nǝ agaak pee jeplep Jesu Kristi mo, kǝ nensatpwoo Naan ɗeɓang mo, shi Riin wur ɗeɓang.

Jemis 1:5

Katɗang mee gwar nɗǝǝn wun ɗe baa wu kǝ ɗyeen kas, ɓe wu yit kǝ gwar mǝnǝ ɗang pǝ Naan, mbǝkǝ Naan shin ɗyeen ɗe nwur. Naan wur zum zam, wu naa nchin mbii ngurum mo jir, baa wur chakpwo mɓe shin mbii ngurum mo kas. Naan wu nshin ɗyeen mun jir ɗe mo ɗang pǝ wu.

1 Pita 1:12

Naan wur kám mmo nǝnee, << baa mon mmak naa gam nǝ nɗǝǝn teer fur mo kas, ɗangɓe a wun naa gam nǝ. NYaksǝ nen ɗe mo satpwoo ɗiiret nǝ nwun, mo kǝ ten sat mbii mo nwun jir, kaaɗi Riin nNaan ɗewur tong aɗeng sham, wur shìn ɓal mmo sǝ. Nen lep Naan mo shikáa fur, mo rǝɓet naa mbii ɗesǝ nǝ mo.